அறிவியலாளர் நெல்லை சு.முத்து
அன்பு நண்பரும் அறிவியல் எழுத்தாளருமான திரு நெல்லை சு.முத்து அவர்கள் இயற்கையெய்திய செய்தியறிந்து அதிர்ச்சியடைந்தேன். அவருடைய எழுத்தும், வாசிப்பும் போற்றத்தக்கன. நூற்றுக்கணக்கான கட்டுரைகளும், மிகச்சிறந்த அறிவியல் நூல்களும் எழுதியவர். அவருடைய அறிவியல் ஆர்வத்தை பிறர் தம்மை அதில் ஈடுபடுத்திக்கொள்ளும் அளவிற்குப் பயன்படுத்தியவர். மிக எளிமையான சொற்களில் அறிவியல் தொழில்நுட்பக் கட்டுரைகளை எழுதுவதில் அவருக்கு நிகர் அவரே. அவருடைய அறிவியல் கட்டுரைகளைப் படிக்கும்போது நம்மை உடன் அழைத்துக்கொண்டுபோவது போன்ற ஓர் உணர்வு ஏற்படும். எங்கும் நெருடல் இன்றி அதே சமயத்தில் நீண்ட சொற்றொடரைப் பயன்படுத்தாமல் வாசிக்கும்போது மனதில் பதியும் அளவிற்கு எழுதும் ஆற்றல் படைத்தவர். அவர் சொற்களைப் பயன்படுத்தும் விதம் வியப்பினை உண்டாக்கும். அவருடைய மொழிபெயர்ப்பு ஆற்றல் ஆய்வாளர்களுக்கு ஒரு முன்னுதாரணமாக அமையும். தி வீக் ஆங்கில இதழில் வெளியான நீங்கள் க்ளோன் செய்யப்படலாம் என்ற கட்டுரையினை மொழிபெயர்த்து அறிக அறிவியல் இதழில் எழுதினேன். படியாக்கம் தொடர்பாக நான் முதன்முதலாக எழுதிய அந்தக் கட்டுரையைப் படித்துவிட்டு அதிகம் பாராட்டினார்....
