சோழ நாட்டில் பௌத்தம்

23 ஏப்ரல் 1995 கும்பகோணம் என்.சேதுராமன் அவர்களுடன் ஆய்வு பற்றி பேசிக்கொண்டிருந்தபோது தஞ்சாவூரில் பௌத்தம் தொடர்பாக அவர் கூறுகின்ற செய்திகளை எதிர்நோக்கிக்கொண்டிருந்தபோது நாகப்பட்டினத்தில் புத்தர் விகாரை, நாகப்பட்டினம் வெளிப்பாளையம், கும்பகோணம் கும்பேஸ்வரர் கோயில், சோழபுரம், திருநாட்டியத்தான்குடி, திருமலைராயன்பட்டனம், அம்மன்குடி, நாகேஸ்வரர் கோயில் அருகே பகவர், மன்னார்குடி, பட்டீஸ்வரம், புத்தமங்கலம், திருச்சோபுரம், போதிமங்கை போன்ற இடங்களைப் பற்றியும் கூறியிருந்தார். மார்ச் 2003 முனைவர் குடவாயில் பாலசுப்பிரமணியன், திரு வி.கண்ணன், திரு கணேசன் ஆகியோருடன் களப்பணி சென்றபோது திருநாட்டியத்தான்குடியில் மூங்கில் தோப்பில் ஒரு புத்தர் சிலையைக் காணமுடிந்தது. பத்மாசனத்தில் அமர்ந்த நிலையில் தியான கோலத்தில் இருந்த சிலையின் வலது கையும் தீச்சுடரும் உடைந்த நிலையிலும், கழுத்தும், முகமும் சற்றுச் சிதைந்த நிலையிலும் இருந்தன. உள்ளங்கையில் தர்ம சக்கரத்தைக் காணமுடிந்தது. இப்பகுதியில் மழை வராமலிருக்கும்போது, மழை பெய்வதற்காக இச்சிலைக்கு எருக்க மாலை அணிவித்து துள்ளு மாவு கலந்து, தப்படித்து, கற்பூரம் ஏற்றினால் மழை ...

டிசம்பர் 1999 என் ஆய்வின்போது  மேற்கொண்ட களப்பணியில் புத்தமங்கலம் என்ற பெயரில் மூன்று ஊர்களைக் காணமுடிந்தது. முனைவர் பட்ட ஆய்வினை அளித்த காலகட்டத்தில் இவற்றில் கீழ்வேளூர் அருகில் உள்ள புத்தமங்கலத்தில் ஒரு புத்தர் சிலையைக் கண்டேன். இச்சிலை அமைக்கப்பட்டுள்ள பீடத்தில் 'புத்தம் சரணம் கச்சாமி, சங்கம் சரணம் கச்சாமி, தர்மம் சரணம் கச்சாமி' என்ற சொற்றொடரைக் காணமுடிந்தது. இப்பெயரில் உள்ள ஊர்களில் இங்கு மட்டுமே புத்தர் சிலை உள்ளது.  செப்டம்பர் 2021 1999க்குப் பின்னர், முன்னர் பார்த்த அச்சிலை மறுபடியும் காண்பதற்காக களப்பணி மேற்கொண்டேன்.  தஞ்சாவூரிலிருந்து திருவாரூர் வழியாக கீழ்வேளூர் சென்று அங்கு தேரடியை ஒட்டி அமைந்துள்ள சாலையில் புத்தமங்கலத்திற்குச் சென்றேன். சுமார் 2 கி.மீ. தூரம்.முந்தைய களப்பணி நினைவிற்கு வந்தது. அப்போது சிறிது தூரம் சேறும் சகதியுமாக நடந்து போகச் சிரமப்பட்டுச்சென்றேன்.  இப்போதும் சற்றொப்ப அதே அனுபவம். ஒரு கி.மீ. நடந்து சென்றபின், அங்கு சாலை அமைக்கும் பணி நடைபெற்றுவருவதால் நடக்க சிரமப்பட்டேன். வழக்கம் போல சிலை உள்ள இடத்தை விசாரித்தபோது  அனைவரும்  "வ...

24 செப்டம்பர் 2021 முனைவர் மீ.மருதுபாண்டியன் (காப்பாட்சியர், அரசு அருங்காட்சியகம், மதுரை மற்றும் திருவாரூர்) அவர்கள் என்னைத் தொடர்புகொண்டு புதூர் புத்தரைப் பற்றிய விவரங்களைக் கேட்டார்.  25 கிமீ மிதிவண்டியில் பயணித்து, அந்த புத்தர் சிலையை 1999இல் கண்டதையும் , தொடர்ந்து அச்செய்தி நாளிதழ்களில் வெளியானதையும் கூறினேன். அந்த புத்தரைப் பற்றிய பதிவு இருப்பதறிந்து மகிழ்ந்தார்.  அப்போது அவர் திருவாரூர் மாவட்டம், குடவாசல் வட்டம் விடையபுரத்தில் என்ற இடத்தில் ஒரு புத்தர் சிலை இருந்ததாகவும், தற்போது அச்சிலை குடவாசல் வட்டாட்சியர் அலுவலகத்தில் இருப்பதாகவும் கூறினார். அச்சிலையை இன்னும் பார்க்கவில்லை என்று கூறி முடிப்பதற்குள் அதன் புகைப்படங்களை அனுப்பிவிட்டார்.  புகைப்படத்தைப் பார்த்ததும், அதனை அனுப்பியதற்காக அவருக்கு நன்றி தெரிவித்துவிட்டு, அச்சிலையை இதுவரை நான் பார்க்கவில்லை என்று கூறினேன். "நீங்கள் பார்க்காத ஒரு சிலைகூட உண்டா? உங்களுக்குத் தெரிந்திருக்கும் என நினைத்து, நான் கூறவில்லை. நீங்கள் பார்க்காத சிலை என்று தெரிந்திருந்தால் உங்களுக்கு தெரிவித்து இருப்பேன். சோழ நாட்டில் பௌத்தம் என...

முனைவர் சீமான் இளையராஜா எழுதியுள்ள பவுத்த நெறியில் இந்து கடவுளும் பண்டிகையும் என்ற நூல் புரட்சியாளர் அண்ணல் அம்பேத்கரின் கூற்று, புத்தரின் வாழ்வும் நெறியும், கோயில்களின் வரலாறும் பின்னணியும், அயோத்திதாச பண்டிதரின கூற்று, பவுத்தப் பண்டிகைகள், விழாக்கள் என்னும் ஐந்து தலைப்புகளைக் கொண்டுள்ளது. மறைக்கப்பட்ட பவுத்த கோயில்கள், பவுத்தப் பண்டிகைகள் புதைக்கப்பட்ட புத்தர் சிலைகள் பற்றியும் அதன் உண்மை வரலாற்றையும் வெளிச்சத்திற்குக் கொண்டுவருவதே இந்நூலின் முக்கிய நோக்கம் என்கிறார் நூலாசிரியர். நூலில் காணப்படுகின்ற கருத்துகள் சிலவற்றைக் காண்போம். “புத்தம் ஒரு மதமில்லை. அது சனாதனத்துக்கு எதிரான ஒரு ஜனநாயகக் கோட்பாடு. மானுட சமத்துவத்துக்கு வழிகாட்டும் ஒரு வாழ்வியல் நெறி. பிறப்பின் அடிப்படையிலான உயர்வு தாழ்வு என்னும் கற்பிதங்களை நொறுக்கும் கருத்தியல்….” (பக்கம் 9) “புத்தர் தம்மை ஒரு அவதாரமாகவோ, கடவுளின் தூதராகவோ, தெய்வப்பிறவியாகவோ, கடவுளாகவோ விளம்பரப்படுத்திக்கொள்ளவில்லை. அதிசயங்களையும் அற்புதங்களையும் நிகழ்த்திக் கூறிக்கொள்ளவில்லை. வேறு எந்தக்கடவுளையும் சுட்டிக்காட்டி வணங்கவோ, வழிபாடு செய்யவோ போதிக்...

அயோத்திதாசர் அம்பேத்கர் வாசகர் வட்டம் சார்பாக நடைபெற்று வருகின்ற தமிழ் பௌத்த மறுமலர்ச்சி மாத இணைய வழிக்கருத்தரங்கில்  "சோழ நாட்டில் பௌத்தத் தடயங்கள்" என்ற தலைப்பில் 17 மே 2021 மதியம் 3.00 மணியளவில் உரையாற்றினேன். சோழ நாட்டில் பௌத்த விகாரங்கள் இருந்த பூம்புகார், நாகப்பட்டினம், கோயில் இருந்த திருவிளந்துறை, கோயில்கள் உள்ள பெருஞ்சேரி, புத்தமங்கலம், தனியாக புத்தருக்காக ஒரு சன்னதி அமையவுள்ள மங்கலம், புத்தர் சிற்பங்கள் உள்ள தஞ்சாவூர் பெருவுடையார் கோயில், தாராசுரம் ஐராவதேஸ்வரர் கோயில், திருவிடைமருதூர் மகாலிங்கசுவாமி கோயில், நாகப்பட்டின புத்தர் செப்புத்திருமேனிகள், சோழ நாட்டில் களப்பணியில் நேரில் கண்ட 60க்கும் மேற்பட்ட புத்தர் கற்சிலைகள், புத்தர் என்றழைக்கப்படுகின்ற சமண தீர்த்தங்கரர் சிலைகள் மற்றும் பிற சிலைகள் குறித்து உரையாற்றப்பட்டது. பங்கேற்பாளர்களின் விவாதத்தில் கலந்துகொண்டு உரையாடும் வாய்ப்பு கிடைத்தது. உரையைக் காணவும், கருத்து கூறவும் அன்போடு அழைக்கிறேன்.   ------------------------------------------------------------------------------------------- நன்றி:  அயோத்திதாசர் அம்பே...

For my doctorate  ( Chola Nattil Bautham [ Buddhism in the Chola country],  Tamil University, Thanjavur, 1999)" , I went to  French Institute of Pondicherry on 26 February 1999, and collected information pertaining to the Buddha  statues and recorded them in my thesis. After submitting it, I went to the institute so many times. After nearly two decades, in the DVD published by the institute, the photographs of the Jain Tirtankara statues identified by me, had a place. I feel it an unforgettable experience.  The institute released a DVD entitled "Jain sites of Tamil Nadu"   in Feburary 2018.  I took part in the function held in the campus of the institute at Puducherry. Mr K.Rameshkumar spoke about the speciality of the DVD at that time. In it 464 Jain Jain sites including 82 sub sites have been documented. Among others, 7,873 photographs  of temples, cave temples and dilapidated temples are found in it.  During the field work carried out for...

என்னுடைய ஆய்விற்காக 26 பிப்ரவரி 1999இல் முதன்முதலாக பாண்டிச்சேரியிலுள்ள புதுச்சேரி பிரெஞ்சு ஆய்வு நிறுவனத்திற்குச் (French Institute of Pondicherry) சென்று அங்குள்ள புத்தர் சிலைகளின் புகைப்படங்களைப் பற்றிய குறிப்புகளை எடுத்து வந்தேன். அதனைப் பற்றிய குறிப்புகளை முனைவர் பட்ட ஆய்வேட்டில் (சோழ நாட்டில் பௌத்தம், தமிழ்ப் பல்கலைக்கழகம், தஞ்சாவூர், 1999) தந்துள்ளேன். ஆய்வேட்டினை நிறைவு செய்த பின்னர் அங்கு பல முறை சென்றுள்ளேன். சுமார் 20 ஆண்டுகளுக்குப் பின்னர் அவர்கள் வெளியிட்ட குறுந்தகட்டில் என் களப்பணியின்போது காணப்பட்ட சமண தீர்த்தங்கரர் சிலைகளின் புகைப்படங்கள் இடம்பெற்றிருப்பது ஒரு மறக்க முடியாத அனுபவமாகும். 2018இல் அந்நிறுவனம் தமிழ்நாட்டு சமணத் தளங்கள் (Jain sites of Tamil Nadu) என்ற குறுந்தகட்டினை பிப்ரவரி 2018இல் வெளியிட்டது. நிகழ்வின்போது திரு கே.ரமேஷ்குமார் அதன் சிறப்பை எடுத்துரைத்தார். அதில் தமிழ்நாட்டில் உள்ள 82 சமணர் துணைத் தளங்கள் உள்பட 464 சமணர் தளங்கள் ஆவணப்படுத்தப்பட்டுள்ளன. கோயில்கள், குகைக்கோயில்கள், பாழடைந்த கோயில்களின் 7,873 புகைப்படங்கள் காணப்படுகின்றன. களப்பணியின்போது ...

------------------------------------------------------------------------------------------- நன்றி: சித்தார்த்தா புத்தக சாலை நூற்றாண்டு விழா (1919-2019) மலர் ------------------------------------------------------------------------------------------- 7 மார்ச் 2025இல் மேம்படுத்தப்பட்டது.

2021 ஜனவரியுடன் இவ்வலைப்பூவில் 10 ஆண்டுகளை நிறைவு செய்கிறேன். என் ஆய்விற்குத் துணைநிற்கும் அனைவருக்கும் மனமார்ந்த நன்றி.  இளமைப்பருவத்தில் சில எண்ணங்களைச் சுமந்துகொண்டு வாழ்க்கையில் பயணிக்கும் அனைவரும் தாம் நினைத்தவற்றை அடைந்துவிடுவதில்லை. வாழ்க்கைச்சூழல் வேறுவேறு பாதைகளுக்கு இட்டுச் சென்றுவிடுகிறது. இருப்பினும், எழுச்சி எண்ணங்கள் உடையோர் தமக்குக் கிடைத்த பாதையில் ஆற்றலுடன் பயணித்துப் புதிய இலக்குகளை எட்டிப் புகழ் வாழ்வில் பூரித்துப் பயணிக்கின்றனர்.   ஆய்வியல் (எம்ஃபில்) பட்டத்திற்கு கல்கியின் வரலாற்றுப்புதினங்களை ஆய்வு செய்த நினைத்தவர், பொன்னியின் செல்வன் புதினத்தில் வருகின்ற நாகப்பட்டின விகாரைப் பற்றிய சிந்தனையில் பௌத்தம் தொடர்பாக ஆய்வு செய்ய நேர்ந்து பௌத்தவியலுக்குப் பல அருங்கொடைகள் அளித்திருக்கின்றார் முனைவர் பா.ஜம்புலிங்கம். தஞ்சை மாவட்டம் கும்பகோணத்தில் திருவாளர் பாலகுருசாமி-திருமதி தர்மாம்பாள் இணையருக்கு 02.04.1959இல் பிறந்தவர் பா.ஜம்புலிங்கம். தொடக்கக்கல்வியை கும்பேஸ்வரர் திருமஞ்சன வீதி ஆரம்பப்பள்ளியிலும், மேல்நிலைக்கல்வியை அறிஞர் அண்ணா அரசு உயர்நிலைப்பள்ளியிலும், இள...