Sunday, 1 December 2019

சோழ நாட்டில் பௌத்தம் : களப்பணி (1993-2018) : Shanlax

21, 22 ஜுன் 2019 ஆகிய நாள்களில் தெற்காசிய நாடுகளில் பௌத்தமும் தமிழும் என்ற தலைப்பில் நடைபெற்ற கருத்தரங்க இதழில் வெளியான சோழ நாட்டில் பௌத்தம் : களப்பணி (1993-2018) என்ற தலைப்பிலான என் கட்டுரையைப் பகிர்வதில் மகிழ்கிறேன்.
கட்டுரையைக் கேட்டு வாங்கி அனுப்பிவைத்த திரு ஈ.அன்பன், வெளியிட்டு உதவிய முனைவர் க.ஜெயபாலன், இதழை அனுப்பிவைத்த முனைவர் ச. பாலச்சந்திரன் உள்ளிட்ட அனைவருக்கும் என் மனமார்ந்த நன்றி.











Friday, 1 November 2019

In search of imprints of Buddhism : Pillaipalayam, Ariyalur district, Tamil Nadu

During our field study on 25 August 2019 we found a Buddha at Pillaipalayam in Ariyalur district of Tamil Nadu.

Alongwith Dr M.Selvapandian and Mr Ravikumar the field work was carried out. We planned to meet at the Cross road near Gangaikondacholalpuram. I arrived earlier and as there was some delay in their arrival  due to non availability of the bus, I asked Mr Selvapandian if there were any interesting place nearby. He informed me about the sculptures found in Sengalmedu which was at a distance of 1.5 km from there. By walk I reached the place and saw the beautiful sculptures there. Then I returned. By now they also joined with me.

After a brief discussion at Cross road we started searching  about the place where the Buddha was said to have been found. We were informed that from there at a distance of 3 km there was a place called Pillaipalayam (from Gangaikondacholapuram, 5 km). Some told the place name was Pillapalayam. We took an auto and started our field study. On our way we saw the Pandian lake. A very serene village. Midst of the village a a beautiful Buddha statue was found alongwith two Vinayaka statues. They were being worshipped. On seeing the Buddha statue I felt shocked as it was a very damaged condition. To my knowledge, this was the first time in the field study I happened to see such as Buddha in such condition.

After introducing ourselves to the villagers, we started to study about the statue. Some of them informed that the statue was found only upto hip portion. This reminded me the Buddha I found earlier in Thanjavur district. In February 2002 I saw two Buddha statues in a village called Gopinathaperumalkoil in Tiruvalanchuzhi-Pattiswaram, of which one was in a damaged condition. On a cursory look I came to know that there would be the possibility of finding the Buddha in full form. Later with the help of the villagers we brought the statue out. 







The statue was of 97 cm height. We cleaned the statue and then photographed it. The statue was found with the flame atop the curling hair, half closed eyes, elongated ears and so on. It had the iconography aspects of the Buddha statues found in the Chola country, comprising of composite Trichy district, composite Thanjavur district and Pudukottai district of Tamil Nadu. Nearly half portion of the statue was found in a damaged condition. The right hand, part of left hand were found broken. The parts of flame known as usnisha, nose and lips were also found damaged. In spite of the damaged status, the statue was worshipped by the local people. We were informed that 15 years back when banks were constructed on the Pandyan lake this statue was found and they kept the statue under the peepul tree and started worshipping the Buddha. 

For my doctorate and on completion it, during the field study carried out by me for the past 25 years I found Buddhas in sitting posture in Ariyalur, Jayamkondam, Keelakulathur, Kuzhumur, Suttamalli, Muthuservaimadam, Peria Thirukkonam, Rayampuram and Vikramangalam in Ariyalur district of Tamil Nadu. This Buddha was also found on the style of these Buddhas. 

After taking other particulars about the Buddha statue, we kept it as found earlier. After requesting the villagers to place the Buddha on a small pedestal and thanking them for their wholehearted cooperation, we left.

 Buddha statue near Udayarpalayam, Dinamani, Tamil daily


Times of India, 27 August 2019
New Indian Express, 27 August 2019


11 c Buddha statue found in Ariyalur, Dinamlar, Tamil daily
Buddha statue of 11 c found near Udayarpalayam in Ariyalur district,
Hindu Tamil daily 
In FB this post had 67 shares
My thanks are to:
  • Dr M.Selvapandian and Mr G.Ravikumar
  • Pillaipalayam auto driver Mr Kollapuram Ravi
  • Mr Sakthivel, Mr Tamilselvan of Pillaipalayam and other villagers
  • The Newspapers which published the newsitem

Tuesday, 1 October 2019

பௌத்த சுவட்டைத் தேடி : வலங்கைமான்புத்தூர்

அண்மையில் மேற்கொண்ட களப்பயணத்தின்போது அரியலூர் மாவட்டம் கங்கைகொண்டசோழபுரத்திலுள்ள இராஜேந்திரசோழன் அகழ்வைப்பகம் சென்றபோது, முந்தைய களப்பணிகளின்போது கண்ட அங்கிருந்த புத்தர் சிலைகளைக் காணச் சென்றேன்.

அங்குள்ள காட்சிப்பேழையில் உள்ள புத்தர் வலங்கைமான்புத்தூரைச் சேர்ந்ததா? கங்கைகொண்டசோழபுரத்தைச் சேர்ந்ததா என்பதைத் தெளிவு செய்யவே இப்பதிவு. 
   
வலங்கைமான்புத்தூர் புத்தர்
அகழ்வைப்பகத்தில் மூன்று புத்தர் சிற்பங்கள் உள்ளன. அவற்றில்  காட்சிப்பேழையில் இருந்த புத்தர் வலங்கைமான்புத்தூரைச் சேர்ந்தது என்ற குறிப்போடு இருந்தது. அதனடிப்படையில் ஆய்வேட்டில், உரிய நூல் மேற்கோளோடு கீழ்க்கண்டவாறு பதிந்தேன்:
"புத்தர் : தஞ்சை மாவட்டம் வலங்கைமான்புத்தூரிலிருந்து சேகரிக்கப்பட்டது. பத்மாசனத்தில் தியான முத்திரையில் காணப்படுகிறது. கி.பி.10ஆம் நூற்றாண்டைச் சேர்ந்தது. பண்டைய நாளில் வலங்கைமான் பகுதியில் புத்தர் கோயில் ஒன்று இருந்ததையும், அச்சமயம் பரவி நின்றதையும் இச்சிற்பம் நமக்கு உணர்த்துகிறது. இதன் உயரம் 27 செமீ அகலம்15 செமீ (இராசேந்திர சோழன் அகழ்வைப்பகம், ஆசிரியர்கள் மா.சந்திரமூர்த்தி, கி.ஸ்ரீதரன், கா.நெடுஞ்செழியன், பதிப்பாசிரியர் நடன.காசிநாதன், தமிழ்நாடு அரசு தொல்பொருள் ஆய்வுத்துறை, சென்னை, 1993, பக்கம் 16)"

கங்கைகொண்ட சோழபுரம் புத்தர்
புதுச்சேரி பிரெஞ்சு ஆய்வு நிறுவனம் (French Institute of Pondicherry) வைத்துள்ள ஆவணத்தொகுப்பில் இந்த புத்தர் படத்திற்குக் கீழே கங்கைகொண்ட சோழபுரம் என்று குறிப்பிடப்பட்டுள்ளது.

1993இல் வெளிவந்த நூலில் வலங்கைமான்புத்தூரைச் சேர்ந்தது என்றும், புதுச்சேரி ஆய்வு நிறுவனத் தொகுப்பில் கங்கைகொண்ட சோழபுரம் என்றும், காட்சிப்பேழையில் கங்கைகொண்டசோழபுரம் என்றும் குறிப்பிட்டுள்ள நிலையில் இந்த புத்தர் சிற்பம் வலங்கைமான்புத்தூரைச் சேர்ந்ததா கங்கைகொண்டசோழபுரத்தைச் சேர்ந்ததா என்பதைக் கேட்டு  அகழ்வைப்பகத்திற்கு மேற்கண்ட விவரங்களைத் தெரிவித்து கடிதம் எழுதினேன்.  


அகழ்வைப்பகக்காப்பாளர் இச்சிற்பம் வலங்கைமான்புத்தூரைச் சேர்ந்தது என்று தன்னுடைய 21.9.2019 நாளிட்ட கடிதத்தில் தெரிவித்திருந்தார்.  1990களின் இறுதியில் வலங்கைமான்புத்தூர் என்ற குறிப்போடும், அண்மையில் கங்கைகொண்டசோழபுரம் என்ற குறிப்போடும் இருந்த இந்த புத்தர் வலங்கைமான்புத்தூரைச் சேர்ந்தது  என்று தெரிவித்த அவருக்கு நன்றியைத் தெரிவித்தேன். 

Sunday, 1 September 2019

பௌத்த சுவட்டைத் தேடி : பிள்ளைபாளையம், அரியலூர்

25 ஆகஸ்டு 2019 அன்று மேற்கொள்ளப்பட்ட களப்பணியின்போது அரியலூர் மாவட்டம் உடையார்பாளையம் வட்டத்தில் உள்ள பிள்ளைபாளையம் என்னுமிடத்தில் புத்தர் சிலையினைக் கண்ட அனுபவத்தை இப்பதிவில் காண்போம்.

பௌத்த, சமண மற்றும் பிற சிற்பங்களைத் தேடி களப்பணி மேற்கொள்ளும் நண்பர் முனைவர் ம.செல்வபாண்டியன் பெரம்பலூரிலிருந்தும்,  முனைவர் பட்ட ஆய்வாளர் திரு க.ரவிக்குமார் திருச்சியிலிருந்தும் வந்தனர். நான் தஞ்சாவூரிலிருந்து அவர்களோடு இணைவதாக முடிவெடுத்து, கங்கைகொண்டசோழபுரம் அருகேயுள்ள குறுக்கு ரோட்டில் சந்தித்துப் பின்னர் களப்பணியைத் தொடங்கத் திட்டமிட்டோம். தஞ்சாவூரிலிருந்து கீழப்பழுவூர்-ஜெயங்கொண்டம்-கங்கைகொண்டசோழபுரம் குறுக்கு ரோடு என்ற வகையில் நான் வந்து சேர்ந்து அவர்களைத் தொடர்புகொண்டேன். பேருந்து கிடைக்காததால் அவர்கள் அங்கு வர தாமதமாக, அருகில் வேறு ஏதாவது இடம் இருக்கிறதா என்று திரு செல்வபாண்டியன் அவர்களிடம் கேட்டேன். அவர் முதலாம் இராஜேந்திரசோழன் வெற்றியின் அடையாளமாக கலிங்க நாட்டிலிருந்து கொண்டுவந்த சிற்பங்களை கீழச்செங்கல்மேட்டில் காணலாம் என்றார். அதன்படி அங்கிருந்து 1.5 கிமீ தொலைவில் இருந்த அவ்விடத்திற்கு நடந்து சென்று அச்சிற்பங்களைக் கண்டேன். பின்னர் அங்கிருந்து திரும்பி வந்தேன். நான் திரும்பவும், அவர்கள் வந்து சேரவும் சரியாக இருந்தது. 

குறுக்கு ரோட்டில் தேநீர் அருந்திவிட்டு சிலை உள்ள இடத்தைப் பற்றி விசாரிக்க ஆரம்பித்தோம். அங்கிருந்து சுமார் 3 கிமீ தொலைவில் (கங்கைகொண்டசோழபுரத்திலிருந்து 5 கிமீ) பிள்ளைபாளையம் இருப்பதாகக் கூறினர். சிலர் அவ்விடத்தை பிள்ளாபாளையம் என்றும் பள்ளிபாளையம் என்றும் கூறினர். அங்கிருந்து ஆட்டோவில் சென்றோம். பாண்டியன் ஏரியைப் பார்த்துக்கொண்டே சென்றோம். அழகான அமைதியான கிராமம். கிராமத்து நடுவில் பெரிய அரச மரத்தின்கீழ் புத்தர் சிலை. அருகே இரு விநாயகர் சிலைகள். புத்தரைப் பார்த்ததும் சற்றே அதிர்ச்சியானேன். தமிழகத்தில் இதுவரை நான் பார்த்த சிலைகளில் மிகவும் சிதைந்த நிலையில் அச்சிலை இருந்தது. 

கிராம மக்களிடம் எங்களை அறிமுகப்படுத்திக்கொண்டு களத்தில் இறங்கினோம். அங்கிருந்தோர் அச்சிலையின் இடுப்புப்பகுதிக்குக் கீழே எதுவும் இல்லை என்று கூறினர். தஞ்சாவூர் மாவட்டம் திருவலஞ்சுழி பட்டீஸ்வரம் சாலையில் உள்ள கோபிநாதப்பெருமாள் கோயில் என்னுமிடத்தில் பிப்ரவரி 2002இல் காணப்பட்ட இரு சிலைகளில் ஒரு சிலையை தலையின்றி, இடுப்புப்பகுதிக்கீழ் எதுவுமின்றி முன்னர் பார்த்துள்ளேன். பிற இடங்களில் சற்று சிதைந்த நிலையில் நான் புத்தர் சிலைகளைப் பார்த்த எனக்கு, இடுப்புக்குக் கீழும் இருக்கும் என்ற எண்ணம். சிலையை ஒட்டி கையை வைத்து தரையின் அடியில் சிறிது தூரம் வைத்துப்பார்த்தேன். சிறிது தூரத்திற்குப் பின் மண்ணையே தொடமுடிந்தது. என் ஐயத்தைத் தெளிவிப்பதற்காக சிலையை வெளியே எடுத்துப் பார்க்கமுடியுமோ என்று கேட்டபோது கிராம மக்கள் முன்வந்து உதவினர். 







சிலையை வெளியே எடுத்துப் பார்த்தபோது 97 செமீ உயரமுள்ள சிலையினைக் காணமுடிந்தது. தண்ணீர் எடுத்து வரச்சொல்லி அந்த சிலையைச் சுத்தம் செய்தோம். முன்னைவிட இப்போது சிலை தெளிவாகத் தெரிந்தது. சுருள் முடியுடன் கூடிய தலையின் மேல் தீச்சுடர், சற்றே மூடிய கண்கள், மார்பில் ஆடை, நீண்டு வளர்ந்த காதுகள், பரந்த மார்புடன் இருந்த அச்சிலையில் இடுப்புப்பகுதி வரை மட்டுமே இருந்தது. சிலை பாதிக்குமேல் சிதைந்த நிலையில் இருந்தது. வலது கை முற்றிலும், இடது கை பாதிக்கு மேலும் உடைந்த நிலையிலும், தீச்சுடர், மூக்கு, உதடுகள் சிதைந்த நிலையிலும் இருந்தன. சிதைந்த நிலையிலும் இச்சிலையினை உள்ளூர் மக்கள் வழிபட்டு வருவதாகக் கூறினர். 15 ஆண்டுகளுக்கு முன்னர் பாண்டியன் ஏரிக்குக் கரை கட்டும்போது அச்சிலையைக் கண்டதாகவும், பின்னர் அரச மரத்தடியில் வைத்து வழிபட ஆரம்பித்ததாகவும் கூறினர். 

முனைவர் பட்ட ஆய்விற்காகவும், தொடர்ந்தும் கடந்த 25 ஆண்டுகளாக மேற்கொண்டுவருகின்ற களப்பணியின்போது அரியலூர் மாவட்டத்தில் அரியலூர், ஜெயங்கொண்டம், கீழக்கொளத்தூர், குழுமூர், சுத்தமல்லி, முத்துசேர் வைமடம், பெரிய திருக்கோணம், ராயம்புரம், விக்ரமங்கலம் ஆகிய இடங்களில் அமர்ந்த நிலையில் தியான கோலத்தில் உள்ள புத்தர் சிலைகளைக் கண்டுள்ளேன். இதன் அமைப்பில் இதுவும் அமர்ந்த நிலையிலான சிலை என்பதை அறியமுடிந்தது. 

இதற்கு முன்னர் அரியலூர் மாவட்டத்தில் குழுமூர் புத்தர் சிலையை முனைவர் ம.செல்வபாண்டியன் அவர்களோடு ஜுன் 2006இல் மேற்கொண்ட களப்பணியின்போது கண்ட அனுபவத்தை பௌத்த சுவட்டைத் தேடி : குழுமூர் என்ற பதிவில் காணலாம்.   

வழக்கம்போல சிலையினைப் பற்றிய குறிப்புகளைத் தொகுக்க ஆரம்பித்து, மறுபடியும் சிலையை பழைய நிலையில் அமைத்தோம். சிறிய மேடை ஒன்றினைக் கட்டி அதனை பாதுகாக்கும்படி கேட்டுக்கொண்டோம். புத்தரையும், ஊர் மக்களையும் பிரிய மனமின்றி விடைபெற்றோம்.
  • உடன் வந்த முனைவர் ம.செல்வபாண்டியன், திரு க.ரவிக்குமார்
  • பிள்ளைபாளையத்தில் களப்பணியில் உதவிய திரு சக்திவேல், திரு தமிழ்ச்செல்வன், ஆட்டோ ஓட்டுநர் திரு கொல்லாபுரம் ரவி மற்றும் கிராம மக்கள்
  • செய்திகளை வெளியிட்ட நாளிதழ்கள்
16 செப்டம்பர் 2019 அன்று மேம்படுத்தப்பட்டது.

Thursday, 1 August 2019

பௌத்த சுவட்டைத் தேடி : திருப்பராய்த்துறை, திருச்சி மாவட்டம்

திருச்சி மாவட்டம் திருப்பராய்த்துறையில் ஒரு புத்தர் சிலை இருந்ததை அண்மையில் அறியமுடிந்தது. இது திருப்பராய்த்துறையில் முதன்முதலாகக் காணப்படுகின்ற புத்தர் சிலையாகும். 
திருப்பராய்த்துறை புத்தர் 
புகைப்படம் நன்றி : பிரெஞ்சு ஆய்வு நிறுவனம், பாண்டிச்சேரி 
தகவல் உதவி : திரு க.ரவிக்குமார்

ஆய்வாளர் திரு க.ரவிக்குமார் உடன் பா.ஜம்புலிங்கம்

புத்தர், திருப்பராய்த்துறை, கி.பி.10ஆம் நூற்றாண்டு,  என்ற குறிப்புடன் அந்த சிலை உள்ளது. திருப்பராய்த்துறை புத்தர் சிலைக்குப் பின்புறம் பிரபை உள்ளது. மார்பில் ஆடையும், தலையில் தீச்சுடரும் உள்ளன.  முகம் தெளிவாகத் தெரியவில்லை.  வழக்கமாக புத்தர் சிலைக்குள்ள பிற கூறுகள் இதில் உள்ளன.

திருச்சிராப்பள்ளி மாவட்டத்தில் பௌத்த எச்சங்களின் சமூக மற்றும் கலாச்சார மதிப்பு  (Social and cultural values of Buddhist remnants in Tiruchirappalli district), என்ற தலைப்பில் திருச்சி பெரியார் ஈ.வெ.ரா.கல்லூரியில் முனைவர் பட்ட ஆய்வு மேற்கொண்டுவருகின்ற ஆய்வாளர் திரு க.ரவிக்குமார் (8344856826) திருச்சி அருகேயுள்ள திருப்பராய்த்துறையைச் சேர்ந்த புத்தர் சிலையைப் பற்றிய பதிவு பாண்டிச்சேரி பிரெஞ்சு ஆய்வு நிறுவனத்தில் உள்ளதாகக்கூறி, புகைப்படத்தைத் தந்தார். 

களப்பணியின்போது ஆங்காங்கே காணப்படுகின்ற சில விடுபாடுகள் ஆய்வின் முக்கியமான பல தரவுகளைச் சேகரிப்பதில் குறைகளைத் தரும் என்பதை உணர்த்தியது திருப்பராய்த்துறை புத்தர் சிலை. ஆய்வின்போது களப்பணி மேற்கொண்டபோது பெரும்பாலும் தஞ்சாவூர் மற்றும் திருச்சி பகுதிகளைச் சார்ந்த அருங்காட்சியங்களுக்கு மட்டுமே சென்றதால், மதுரையிலுள்ள இந்த புத்தர் சிலையைப் பற்றி அப்போது அறியமுடியவில்லை. 
திருப்பராய்த்துறை புத்தர் 
நன்றி: திருமலை நாயக்கர் அரண்மனை அருங்காட்சியகம், மதுரை 
புகைப்படம் : திரு ஜ. சிவகுரு
இந்த புத்தர் சிலை மதுரை திருமலை நாயக்கர் அரண்மனை வளாகத்தில் உள்ள அருங்காட்சியகத்தில் காட்சிப்படுத்தப்பட்டுள்ளது. திருச்சி மாவட்டத்தைச் சேர்ந்த புத்தர் சிலை, சோழ நாட்டில் பௌத்தம் பரவியிருந்ததை உணர்த்தும் வகையில் மதுரை மாவட்டத்தில் உள்ள அருங்காட்சியகத்தில் காணப்படுகிறது. 


Just I came to know about a Buddha statue found in Tirupparaithurai in Trichy district of Tamil Nadu. I got a photograph of this Buddha from the collections of French Institute of Pondicherry, through Mr G.Ravikumar, a Ph.D., scholar, Periyar E.V.R.College (Autonomous), Trichy, who is doing under the title "Social and cultural values of Buddhist remnants in Tiruchirappalli district". The Buddha is now exhibited in the museum in the campus of Thirumalai Nayakkar Palace Madurai. As I did not cover the museums of other districts I could not able to find the statue earlier. This Buddha is an addition to the Buddhas of Trichy district. 

Monday, 1 July 2019

பௌத்த சுவட்டைத் தேடி : பேட்டவாய்த்தலையில் மற்றொரு புத்தர்

திருச்சி மாவட்டம் பேட்டவாய்த்தலையில் வயலில், அடையாளம் தெரியாத வகையில் முகம் வெள்ளையடிக்கப்பட்ட நிலையில், ஒரு புத்தர் சிலை இருந்ததை அண்மையில் அறியமுடிந்தது. இது பேட்டவாய்த்தலையில் இருந்த இரண்டாவது புத்தர் சிலையாகும்.

புத்தர் சிலைகளைத் தேடி களப்பணி மேற்கொண்டபோது வரலாற்றறிஞர் திரு கலைக்கோவன் அவர்கள் கூறிய தகவல்களில் ஒன்று பேட்டவாய்த்தலையில் ஒரு புத்தர் சிலை உள்ளது என்பதாகும். அவர் கூறிய தகவலின் அடிப்படையில் பேட்டவாய்த்தலையில் சென்று பல இடங்களில் தேடி பின்னர் சிலை இருக்குமிடம் கண்டுபிடிக்கப்பட்டது. மார்பில் உள்ள ஆடையின் மூலமாக அது புத்தர் என்பதை உறுதி செய்யமுடிந்தது.
மத்யார்ஜுனேஸ்வர் கோயிலின்
முன்பாக இருந்த புத்தர். புகைப்படம் : பா.ஜம்புலிங்கம் 
திருச்சி-கரூர் சாலையில் பேட்டவாய்த்தலை மத்யார்ஜுனேஸ்வரர் கோயிலின் முன்பாக அச்சிலை இருந்தது. அப்பகுதியில் முன்பு மூன்று சிலைகள் இருந்ததாகவும், இரண்டு சிலைகள் மண்ணில் புதைந்துவிட்டதாகவும் சிலர் கூறினர். (சோழ நாட்டில் பௌத்தம், முனைவர் பட்ட ஆய்வேடு, தமிழ்ப்பல்கலைக்கழகம், தஞ்சாவூர், 1999, ப.152) சிலையைப் பார்த்துவிட்டு, திருச்சி அருங்காட்சியகக் காப்பாட்சியருக்கு இவ்வாறாக ஒரு சிலை இருக்கும் விவரம் அஞ்சலட்டை வழியாக அவருக்குத் தெரிவிக்கப்பட்டது.  காப்பாட்சியரின் சீரிய முயற்சியால் அந்தச் சிலை திருச்சி அருங்காட்சியகத்தில் கொண்டுவந்து காட்சிப்படுத்தப்பட்டது. பல வருடங்களுக்குப் பின் சந்தித்தபோது அவர், பேட்டவாய்த்தலை புத்தர் திருச்சி வருவதற்குக் காரணம் நான் அஞ்சலட்டையில் தெரிவித்த தகவலே என்று கூறினார்.

அரசு அருங்காட்சியகத்தில் பேட்டவாய்த்தலை புத்தர் 
புகைப்படம் : திரு க.ரவிக்குமார்
திருச்சிராப்பள்ளி மாவட்டத்தில் பௌத்த எச்சங்களின் சமூக மற்றும் கலாச்சார மதிப்பு  (Social and cultural values of Buddhist remnants in Tiruchirappalli district), என்ற தலைப்பில் திருச்சி பெரியார் ஈ.வெ.ரா.கல்லூரியில் முனைவர் பட்ட ஆய்வு மேற்கொண்டுவருகின்ற ஆய்வாளர் திரு க.ரவிக்குமார் (8344856826) பேட்டவாய்த்தலையைச் சேர்ந்த மற்றொரு புத்தர் சிலையைப் பற்றிய பதிவு பாண்டிச்சேரி பிரெஞ்சு ஆய்வு நிறுவனத்தில் உள்ளதாகக்கூறி, புகைப்படத்தைத் தந்தார். 
பேட்டவாய்த்தலையில் மற்றொரு புத்தர் 
புகைப்படம் நன்றி : பிரெஞ்சு ஆய்வு நிறுவனம், பாண்டிச்சேரி
தகவல் உதவி : திரு க.ரவிக்குமார்
வயல் பகுதியில் இடுப்பு வரை புதைந்துள்ள நிலையில் புத்தரை அப்புகைப்படத்தில் காணமுடிந்தது. முகம் முற்றிலும் தெரியாத வகையில் வெள்ளையடித்து வைத்துள்ளனர். தலைக்குப் பின் பிரபை காணப்படுகிறது. மார்பில் ஆடை உள்ளது. தலையில் உள்ள தீச்சுடரை வைத்து இது புத்தர் என்று உறுதியாகக் கூறமுடியும். இதன்மூலம் திருச்சி மாவட்டத்தில் பேட்டவாய்த்தலையில் மேலும் ஒரு புத்தர் சிலை இருந்தது உறுதி செய்யப்படுகிறது. இச்சிலை தொடர்பாக மேலும் விவரங்களைப் பெற தொடர்ந்து களப்பணி மேற்கொள்வோம்.   
ஆய்வாளர் திரு க.ரவிக்குமார் உடன் பா.ஜம்புலிங்கம்
During my earlier field trip in 1999, on the information by historian Dr R.Kalaikkovan, I saw a Buddha statue in Pettaivaitthalai in Trichy district of Tamil Nadu, which was later shifted to the Government Museum in Trichy. Now, after two decades, I got a photograph of another Buddha statue from Pettaivaitthalai from the collections of French Institute of Pondicherry, through Mr G.Ravikumar, a Ph.D., scholar, Periyar E.V.R.College (Autonomous), Trichy, who is doing under the title "Social and cultural values of Buddhist remnants in Tiruchirappalli district". Expecting the day to go on another field study to see the field where the Buddha statue was said to be found.    

Saturday, 1 June 2019

தமிழ்ப்பௌத்த ஆய்வுப்பள்ளி

மதுரையில் 20 மே 2019 அன்று தமிழ்ப்பௌத்த ஆய்வுப்பள்ளியின் தொடக்க விழா சிறப்பாக நடைபெற்றது. இப்பள்ளியைத் தொடங்கிவைக்கும் அரிய வாய்ப்பினைத் தந்ததோடு விழாவினைத் தொடங்கிவைத்த திரு ஸ்டாலின் ராஜாங்கம், அறிமுக உரையாற்றிய திரு அன்புவேந்தன், உடன் உரையாற்றிய பெண்ணியலாளர் கீதா நிகழ்வில் கலந்துகொண்ட நண்பர்கள், ஆர்வலர்கள், ஆய்வாளர்கள் உள்ளிட்ட அனைவருக்கும் என் மனமார்ந்த நன்றி. 


இவ்விழாவினைப் பற்றிய செய்திகளையும், புகைப்படங்களையும் நண்பர்கள் முகநூலில் பகிர்ந்ததைப் பதிவதில் மகிழ்கின்றேன், அவர்களுக்கு நன்றியுடன்.
  
விழாவினை ஒருங்கிணைத்த பேராசிரியர் ஸ்டாலின் ராஜாங்கம்

அறிமுகவுரையாற்றிய திரு அன்புவேந்தன்

பேராசிரியர் ஸ்டாலின் ராஜாங்கம், பெண்ணியலாளர் கீதா, 
திரு காளிங்கன் உடன்
  
பள்ளியைத் தொடங்கிவைத்து உரையாற்றல், அருகில் பெண்ணியலாளர் கீதா


 
  
பெண்ணியாளர் கீதா உரையாற்றல்



திரு காளிங்கன், திரு அன்புவேந்தன்,
பேராசிரியர் ஸ்டாலின் ராஜாங்கம், பெண்ணியலாளர் கீதா உடன்


 




 


திரு ஸ்டாலின் ராஜாங்கம் உடன்
திரு அருள் முத்துக்குமரன் உடன்
  
முனைவர் பட்ட ஆய்வாளர் திரு ரவிக்குமார் உடன்

திரு ராஜ்குமார் உடன்
 பேராசிரியர் ஸ்டாலின் ராஜாங்கம்

வரலாற்றையும் பண்பாட்டையும் விளங்கி கொள்வதில் புதிய தரவுகளும் நோக்குகளும் உருவாகிக் கொண்டேயிருக்கும். அவற்றையெல்லாம் உள்வாங்கி சமூக பண்பாட்டு வரலாறு, சமயங்கள் மற்றும் மெய்யியல் வரலாறு எழுதப்பட வேண்டும். அவற்றை ஆங்காங்கு தொட்டுக்காட்டிய முயற்சிகள் மட்டுமே இங்கு உண்டு. எல்லாமும் கூறியது கூறலாகவும், இருப்பவற்றை அப்படியே தலைகீழாக்கி கூறலாகவும் தான் உள்ளன. 150 ஆண்டுக் காலத்தில் செம்மைபடுத்தப்பட்ட பிரதிகளை வைத்துக்கொண்டு 2000 ஆண்டுகால வரலாற்றை எழுதி எவ்வித அய்யமும் இல்லாமல் வரலாற்று நம்பிக்கையாக ஏற்று இயங்கி வருகிறோம்.
இந்நிலையில் தொல்லியல் துறையின் கல்விப்புல விளக்கங்களிலும் அவற்றை அப்படியே ஏற்றுக் கொள்கிற சமகால பண்பாட்டு 'ஆர்வங்'களிலும் உறைந்துகிடக்கிற ஒற்றைத்தன்மை, பண்பாட்டை புரிந்து கொள்வதில் அயோத்திதாசர் போன்றோர் மூலம் கிடைக்கிற கோணங்கள் ஆகியவற்றை பற்றி நண்பர்களோடு அவ்வப்போது உரையாடி வந்ததின் தொடர்ச்சியில் உருவாவதே தமிழ்ப்பெளத்தப்பள்ளி என்கிற இந்த யோசனை. ஆய்வுமையம் என்பதை குறிப்பதற்கான சொல்லாகவே இப்பெயர் சூட்டப்பட்டுள்ளது.
தற்காலத்தில் பெளத்தம் பற்றிய விழிப்புணர்வு பெருகி வருகின்ற போதிலும் அது மிகுதியும் அரசியல் சார்ந்தே புரிந்துகொள்ளப்படுகிறது. தமிழகத்தில் பரவலாக புத்தர் சிலைகளும் பெளத்த தடயங்களும் கிடைத்துள்ள போதிலும் அவற்றை பண்பாடு வரலாறு ஆகியவற்றோடு ஒருங்கிணைத்து பார்த்த ஆய்வுகள் இங்கில்லை. புத்தர் சிலைகள் ஒருபுறம் மக்கள் பண்பாட்டிலிருந்து பிரித்தெடுக்கப்பட்டு வெறும் மியூசிய காட்சிபொருளாகின்றன . மறுபுறமாக மக்கள் தரப்பில் இருக்குமானால் திரிக்கப்பட்டு இன்றைய இந்து பண்பாட்டு கதையாடல்களுக்குள் கொண்டு சேர்க்கப்படுகின்றன.ஜைன சமயத்திற்கு இருப்பது போன்ற அமைப்புகளோ, பொருளாதார சார்புகளோ ,பண்பாட்டு பாதுகாப்போ பெளத்தத்திற்கு இல்லை. தமிழ் பண்பாட்டில் அது கொண்டிருந்த தொடர்ச்சியை பின்னணியாக்கிக்கொண்ட பெளத்த விழிப்புணர்வு போக்கு இங்கு உருவாகவே இல்லை.
சமயம் என்று நிறுவனமாக புரிந்துகொண்டு பேசுவது ஒருபுறமிருந்தாலும் பெளத்த தடங்கள் பிரதிகளைத் தாண்டி மக்கள் பண்பாட்டோடு ஊடாடியதை புரிந்து கொள்ளுதல், பிற மரபுகளோடு கலந்தும் விலகியும் இயங்கிய தன்மை , பண்பாட்டு நடைமுறைகளின் சமீப வடிவங்களைத் தாண்டி அதன் திரிந்த / மாறிய போக்குகளை இனங்காணுதல், தரவுகளையும் ஆய்வு அணுகுமுறைகளையும் உள்ளூர் மரபின் பின்னணியிலிருந்து புதுக்குவது என்பவை நம்முடைய முதன்மை அக்கறைகள் .
பெளத்தம் சார்ந்த கண்ணுக்குப் புலப்படும் தரவுகள் மட்டுமே இதுவரை ஆதாரங்களாக கொள்ளப்படுகின்றன. அவற்றோடு கண்ணுக்கு புலப்படாத பண்பாட்டு நம்பிக்கைகளையும் ஆவணப்படுத்துவது தான் இந்த பள்ளியின் முதன்மை நோக்கம். இதன் வழியாக தமிழ்ச்சமூக பண்பாடு சமயங்கள் மற்றும் மெய்யியல் வரலாற்றை மாற்று கோணத்தில் அணுக உதவுவதும் இந்த கோணத்தில் ஆய்வு மேற்கொள்ள விரும்பும் ஆய்வுக்குழுவை உருவாக்குவதும் அல்லது உதவியாக இருப்பதும் இதன் மற்றொரு நோக்கம் .அடிப்படையில் இது ஆய்வாளர்களுக்கான தளம். ஆய்வாளர் என்பவர் கல்விப்புலம் சார்ந்தவராக இருக்க வேண்டிய அவசியமில்லை.
எல்லாவற்றையும் உடனே செய்துவிட முடியாது என்பதால் பெரிய வேலைத்திட்டங்களுக்கான பிரகடனங்கள் இல்லை. கிடைக்கும் தரவுகளை அடிப்படையாகக் கொண்டு கருத்தரங்கு, வாசிப்பு அரங்கு, பயிலரங்கு, ஆய்வுக் கட்டுரை போன்றவற்றில் ஒரிரண்டையாவது படிப்படியாக செய்ய திட்டம் .
நண்பர்களின் யோசனைகளும் உதவியும் பங்களிப்பும் தேவைப்படுகின்றன . மே 20 ஆம் நாள் மதுரையில் இதன் தொடக்க விழா நடந்தது. உள்ளூர் பெளத்தம் பற்றிய யோசனைக்கு வித்திட்ட பண்டிதர் அயோத்திதாசரின் பிறந்த நாள் இது.இந்த முதல் கூட்டத்திற்கு நண்பர்கள் அழகரசன், ஏ பி ராஜசேகரன், காளிங்கன் ,ரத்தினக்குமார், அருள்முத்துக்குமரன், ஜெயப்பிரகாஷ் ,வெ முருகன், அருண்பிரகாஷ் ராஜ்,ராஜா ஆகியோர் ஆலோசனையிலும் ஆதரவிலும் இணைந்தனர். இத்தகைய ஆய்வு மையத்திற்கான யோசனையை தந்த அன்பு வேந்தனும் நானும் ஒருங்கிணைத்தோம்.
பெளத்தம் பற்றிய இன்றைய ஓர்மையில் புத்தரின் சிலைகள் பரவலாக கிடைத்திருப்பவை முக்கிய தாக்கம் செலுத்தியிருக்கின்றன. அதன் சேகரிப்பில் குறிப்பிடத்தக்க பணியைச் செய்த முனைவர் பா.ஜம்புலிங்கம் இந்நிகழ்வை தொடங்கி வைத்தார். புத்தர் சிலைகளை தேடிய அனுபவங்களையும் மக்களிடையே இருந்து வந்த வெவ்வேறு புரிதல்களையும் தன்னுடைய உரையில் விரிவாக பகிர்ந்து கொண்டார்.
வ.கீதா கருந்துரை வழங்கினார். இந்தியாவில் வரலாற்று ரீதியாக பகுதிகள் சார்ந்து பெளத்தம் விளங்கி வந்த விதத்தை விவரித்த அவரின் உரை உள்ளூர் அளவில் பல்வேறு தரப்பினராலும் பெளத்தம் புரிந்து கொள்ளப்பட்ட விதத்தையும் வரிசைப்படுத்தியது. பெளத்த அக்கறை கொள்ளும் யாருக்குமான வரைபடமாக அவ்வுரை விளங்கியது. பெளத்தத்தை உள்ளூர் அளவிலிருந்து புரிந்து கொள்ள முற்படும் இந்த அமைப்பின் தொடக்க விழாவிற்கு பொருத்தமான உரையாக அது அமைந்தது. இருவரின் உரைகளும் காணொளியாக பகிரப்படும்.
இன்னும் சில நாட்களில் இவ்வாய்வுப்பள்ளிக்கான இணையதளம் இயங்கத் தொடங்கும். தமிழகத்தில் கிடைத்த புத்தர் சிலைகளின் 30 படங்கள் சிறிய அளவில் கண்காட்சியாக வைக்கப்பட்டிருந்தது. நிகழ்வில் கலந்துகொண்ட நண்பர்களுக்கு நன்றி.
காரியங்கள் கைகூட வேண்டும். பார்க்கலாம்

திரு மதுரை சரவணன்
பேராசிரியர் ஸ்டாலின் ராஜாங்கம் தமிழ்ப்பௌத்த ஆய்வுப்பள்ளியின் அவசியம் குறித்து பேசி விழாவை தொடங்கி வைத்தார்.
முனைவர் ஜம்புலிங்கம் அவர்கள் தமிழ்ப்பௌத்த ஆய்வுப்பள்ளியை தொடங்கி வைத்து, தனக்கும் புத்தருக்குமானத் தொடர்பை சுவாரஸ்யமானச் சம்பவங்களுடன் கூறினார். களப்பணி மூலமாகக் கண்டறிந்த மீசை வைத்த புத்தர் சிலை, திருடு போன சமணர் சிலை, திருடன் என மாட்டிக்கொண்டபோது பத்தாவது மாணவியால் தப்பித்த சம்பவம், கண்டிரமாணிக்கம் புத்தர் இடமில்லாமல் கோயில் வளாகத்தில் வைக்கப்பட்ட தகவல், புஷ்பவனத்தில் மொட்டை அடித்து வழிபடப்படும் புத்தர் இருக்கிறார் என்ற தகவலையும், முன்பு இடும்பவனத்தில் இருந்த புத்தர் சிலை தற்போது இல்லை என்ற அதிர்ச்சி தகவலையும் அளித்தார்.
“1994ல் கும்பகோணம் வலங்கைமான் அருகில் மூன்று புத்தர் உள்ள தகவல் கிடைக்கப் பெற்றேன். 8 ஆண்டுக்கு பின் சென்று வளையமாபுரத்தில் அழகானத் தலையில்லாத புத்தர் சிலையைக் கண்டேன்” என்ற போது அவர் ஆய்வு மீது கொண்ட அக்கறை விளங்கியது. புத்தர் மேல் எண்ணெய் தடவினால் கொசு கடிக்காது, குழுமூரில் புத்தர் சிலை இருப்பதால் குழந்தைகள் அழுவதில்லை என்பது போன்ற மூட நம்பிக்கைகள் குறித்து குறிப்பிட்டு ஆச்சரியப்படுத்தினார். பட்டீஸ்வரத்தில் கிராம தேவதை கோயிலில் புத்தர் சிலை உள்ளது என்று மயிலை சீனி வேங்கடசாமி குறிப்பிட்டுள்ளார். ஆனால், அங்கு சென்று பார்த்தபோது அப்படி இல்லை. அதன்பின் ஆவூர் ரோட்டில் புத்தர் சிலை உள்ளது என ஒருவர் கூற, அங்கு சென்று பார்த்தேன். பிற தெய்வங்களுடன் புத்தர் சிலை அங்கிருந்தது எனக் கூறி சுவாரஸ்யம் ஊட்டினார். சரியான இடத்தை குறிப்பிடுவது நல்லது என்றார். முதன்மை ஆதாரங்கள் மிக முக்கியமானவை. அவை இல்லை எனில் சான்று ஆதாரம் மாறி, வாய்மொழி கதைகள் முளைத்து ஆதாரம் திரிக்கப்பட்டு விடக் கூடும் அன்று கூறி, வரலாறு மாற்றப்படுவது குறித்து எச்சரித்தார். புத்தர் குறித்த ஆய்வுகள் முன்பை விட அதிகரித்துள்ளது மகிழ்ச்சி அளிக்கிறது என தனது உரையை முடித்தார்.

பெண்ணீய செயல்பாட்டாளர் வ. கீதா அவர்களின் உரை
தற்காலத்திற்கும் கடந்த காலத்திற்குமான உரையாடலே வரலாறு ஆகும். வரலாறு அற்றவர்கள்/மறுக்கப்பட்ட மக்களின் வரலாறாக பௌத்த ஆய்வுகள் உள்ளன. இதுவே, பௌத்த வரலாறாக உள்ளது. வேறு எந்த விசயங்களால் வரலாற்றை தொடர்பு படுத்த வேண்டும்? இதற்கு முன்பு என்ன செய்தார்கள்? நவீன காலத்தில் பௌளத்த பற்றிய ஆய்வுகளின் பரப்பு மூன்று வகையாக பிரிக்கலாம். அவை 1. மேற்கத்தியர் செய்த ஆய்வுகள். 2. இந்திய துணைக்கண்டத்தில் செய்யப்பட்ட ஆய்வுகள் 3. பௌத்தத்தின் மீது ஏற்பட்ட ஆர்வத்தினால் மேற்கொள்ளப்பட்ட ஆய்வுகள் ஆகும். மேற்கத்தியர் செய்த ஆய்வுகள் 1. மொழியியல் துறை சார்ந்த பண்பாட்டு ஆய்வுகளாக உள்ளன. அவை பாலி/சமஸ்கிருதம் சார்ந்த ஆய்வுகளாக உள்ளன. 2. அவர்கள் பௌத்த நூல்களை மொழிபெயர்த்தனர். 3. கிறித்துவ மிஷன்களின் ஆய்வுகள் பிராமணியத்தையும், பௌத்தத்தையும் இணைப்பதாக இருந்தது. புத்தரும் ஏசுவும் சந்தித்து கொண்டனரா? என்பது போன்ற ஆய்வுகளும் மேற்கொண்டனர். 4. பௌத்தத்திற்கும் பிராமணியத்திற்கும் இடையே உள்ள சவால்கள் மொழியல் ஆய்வுகளாக மேற்கொண்டனர். 5. பௌத்தம் குறித்த ஆய்வுகளை விளக்க வரும்போது தங்கள் கட்டமைக்கப்பட்ட வரலாற்றில் இருந்தும், பிராமணியத்திற்கு மாற்று  இந்து மதம் தன்னை சீர்திருத்தம் செய்வதற்கானதாகக் கூறினார்கள். இந்திய ஆய்வாளர்கள் பல நிலைகள் கொண்டுள்ளனர். 1. இந்து மதத்தின் சீர்திருத்தப்பட்ட வடிவம் பௌத்தம் என்கின்றனர். 2. கல்கத்தா, பூனா, சென்னை போன்ற மையங்கள் செய்த ஆய்வுகள் மொழி சார்ந்த பண்பாட்டு தளம் சார்ந்த ஆய்வாக உள்ளது. 19ஆம் நூற்றாண்டு தொடக்கத்தில் வங்க மொழியில் மாற்றம் ஏற்பட்டபோது கலச்சாரம் அதன் அடையாளமாக உள்ளது் என அரி பிரகாஷ் சாஸ்திரி கூறியுள்ளார். ஏற்கனவே இருக்க கூடிய வழிபாடுகள் பௌத்தத்திற்குள் சென்றிருக்கலாம் என்றும் கூறினார்.

பீம்பாய் கலிங்கத்துடன் இணைத்து பேசுகின்றனர். பூனே பகுதியில் எல்லோரா குகை, எலிபண்ட் கேவ் ஆகியவை பௌத்த மதம் குறித்து பேசுகின்றன. பிபி சிண்டே மராத்தியில் எழுதிய நூலில்  தமிழ்நாட்டில் பறையர்கள் மத்தியில் பௌத்த மதம் பரவியுள்ளதாக கூறுகின்றார். தறகால வாழ்வு நெறியாக்கி தேடலை ஏற்படுத்தியவர்கள் நரேந்திரநாதன், ராகுல் சாங்கிருத்யாயன், கௌசல்யன் ஆவார்கள். அரசியல் தளத்தில் ஆச்சாரியர் தர்மானந்த கோசாம்பி ஆகியோர் ஆய்வுகள் முக்கியமானவை. பூவேந்திர நாத் தத்தா, சுவாமி விவேகானந்தர. தம்பி பண்பாட்டு தளத்தில் ஆய்வு மேற்கொண்டுள்ளார். இந்துக்கு மாற்று மதமாக பௌத்தம் திகழ்கிறது. ஒவ்வொரு பகுதிக்கு உரிய பார்வை மாறுபட்டுள்ளது. இஸ்லாம் அரசர்கள் பௌத்தத்தை போதித்தனர் என்கிறது பூனே பகுதி ஆய்வுகள். 
பொற்கால சிந்தனையை கேள்விக்குடபடுத்தும் விதமாக பௌத்தம் இருந்துள்ளது். அயோத்திதாசர் - அறம் சார்ந்த தத்துவம் - (தர்மானந்த கோசாம்பியைத் தவிர்த்து) குறித்து விளக்குகிறது. நவீன வரலாற்றின் தாக்கத்திற்கு உட்பட்டு, உள்ளூர் வரலாற்று பண்புகளுடன் விளக்கும் பார்வையுடையதும், விடுதலை மரபை கொண்டுள்ளதாக அயோத்தி தாசர் ஆய்வுகள் உள்ளன. 1. பௌத்தம் அந்நியப்பட்டதன்று 2. உள்ளூர் பழக்கவழக்கங்கள் / திரிபுகளில் இருந்து கதையாடல் வாழ்வியல் வழியாக பௌத்தத்தை கட்டமைக்கிறார். இதனை அவரின் "ஆதி வேதம்" கூறுகிறது. சாதி எதிர்பை முன்னிறுத்திப் பேசிய அனைவரும் பேசுவது தன்னிலை மாற்றம் வேண்டும். தன்னிலை மாற்றத்திற்கு அறம் தேவைப்படுகிறது. அதனால், பௌத்தம் குறித்த புரிதலும் மாறுபடும் என்பது எனது கருத்து என்ற ஆழ்ந்த ஆய்வுரையை வழங்கினார் பெண்ணிய செயற்பாட்டாளரான கீதா.
பேராசிரியர் ஸ்டாலின் ராஜாங்கம் தெற்காசிய நாடுகளில் புத்தர் சிலைக்கு உள்ள தேவையினைக் குறித்து கூறி, புத்தர் சிலை திருடு போவதற்கான காரணத்தை விளக்கி எச்சரிக்கையாக இருக்க வலியுறுத்தினார்.

திரு அருள் முத்துக்குமரன்
பண்டிதர் பிறந்த நாளான மே 20 அன்று மதுரையில் தமிழ்ப்பெளத்த ஆய்வுப் பள்ளி தொடங்கப்பட்டது. இது தலித் வரலாற்றின் அடுத்தக் கட்ட நகர்வுக்கு அழைத்து செல்லும். சிறப்பு அழைப்பாளர்களாக வந்த அய்யா ஜம்புலிங்கம் தன்னுடைய முனைவர் பட்டத்திற்காக மேற்கொண்ட "சோழநாட்டில் பௌத்தம்" பற்றிய தன் கள அனுபவங்களைப் பகிர்ந்துகொண்டார். மேலும், அதன் அவசியத்தையும் உணர்த்தினார்.
மற்றொரு அழைப்பாளரான வ.கீதா அவர்கள் மிக சிறப்பாக உரை நிகழ்த்தினார். நவீன காலத்தில் உலக நாடுகளில் பௌத்தைப் பின்பற்றப்பட்ட பின்னணியையும் அதன் மீது நிகழ்ந்த ஆய்வுகளைப் பற்றியும் விரிவாகப் பேசினார். மேலும், தமிழில் பௌத்தத்தின் மீது பண்டிதர் நிகழ்த்திய ஆய்வின் முக்கியத்துவத்தையும் விளக்கினார். நம் ஆய்வின் விரிவான எல்லையின் அவசியத்தையும் உணர்த்தினார்.
இந்நிகழ்வை அய்யா எழுத்தாளர் ஸ்டாலின் ராஜாங்கம், ஆய்வாளர் அன்பு வேந்தன் ஆகியோர்கள் ஒருங்கிணைத்தார்கள்.

திரு ரமேஷ் கண்ணன்
முனைவர் ஜம்புலிங்கம் அவர்கள் தனது நீண்டகால ஆய்வுப்பணியினை சிறுகதை போலச் சொல்லிக்கொண்டே சென்றார். சோழநாட்டுப் பகுதியில் அவர் கண்டறிந்த புத்தர் சிலைகளைப் பற்றிய தகவல்களும் அதற்கென அவரின் மெனக்கெடலும் மலைப்பாக இருந்தன. அவர் நெற்றியில் திருநீறு அணிந்திருந்தது தமிழ் நிலத்தின், அவரின் பக்க சார்பற்ற ஆய்வுமுறைமைக்கும் எடுத்துக்காட்டாக அமைந்தது.
அடுத்ததாக பேசிய வ.கீதா அவர்கள் பௌத்தம் குறித்த விஷயங்களை உலகளாவிய அளவில் விரிவாக அணுகியதுடன் நிலம்சார் அடையாளம் அற்று மொழிசார் அடையாளத்துடனிருப்பது சரியென்ற தனது பார்வையை எடுத்துரைத்தார். பௌத்தம் குறித்த ஆய்வுக்கான இன்றைய தேவையையும் அவசியத்தையும் நிரல்பட உரையாற்றியது வெகுசிறப்பு.
முன்னதாக அன்புவேந்தன் ஆய்வென்பது டெக்ஸ்டை ஆப்ஜெக்ட்ஸ்ஸைத் தாண்டி மனிதர்களின் அன்றாட வாழ்வியலில் இரண்டறக் கலந்துள்ள பௌத்தக்கூறுகளை கண்டறிவதின் அவசியத்தை வலியுறுத்தினார்.
பேராசிரியர் ஸ்டாலின் ராஜாங்கம் ஆய்வுப்பள்ளியானது பௌத்த மதத்தின் பரப்புரைக்கோ அதன் வளர்ச்சி குறித்தோ அமைக்கப்பட்டதல்ல எனவும் ஏற்றத்தாழ்வு மிக்க சமூகத்தில் அறம்சார் விழுமியங்களைக் கொண்ட பின்பற்றல் முறைகளைப் பற்றிய மீள்கொணர்வும் அதன் மூலமாக நேர்மறைச் சிந்தனைகளை சமூகத்தில் ஏற்படுத்துவதுமேயாகும் என்றும் கூறி நிகழ்வினை முடித்தார்.
ஆய்வாளர் கண்டறிந்த புத்தர் சிலைகள் பற்றிய புகைப்படக் கண்காட்சியும் வளாகத்தில் நடைபெற்றது.

நன்றி
திரு ஸ்டாலின் ராஜாங்கம், திரு மதுரை சரவணன், திரு அருள்முத்துக்குமரன்,  திரு அன்புவேந்தன், திரு ரவிக்குமார், திரு பொய்யாமொழி முருகன், திரு ரமேஷ்கண்ணன், திரு ராஜ்குமார் மற்றும் நண்பர்கள்
பள்ளி தொடர்பாக செய்தி வெளியிட்ட The Hindu 


பௌத்தப்பள்ளி பற்றி The Hindu நாளிதழில் வெளியான செய்தி
29 ஆகஸ்டு 2019 அன்று மேம்படுத்தப்பட்டது.