Thursday, 1 August 2019

பௌத்த சுவட்டைத் தேடி : திருப்பராய்த்துறை, திருச்சி மாவட்டம்

திருச்சி மாவட்டம் திருப்பராய்த்துறையில் ஒரு புத்தர் சிலை இருந்ததை அண்மையில் அறியமுடிந்தது. இது திருப்பராய்த்துறையில் முதன்முதலாகக் காணப்படுகின்ற புத்தர் சிலையாகும். 
திருப்பராய்த்துறை புத்தர் 
புகைப்படம் நன்றி : பிரெஞ்சு ஆய்வு நிறுவனம், பாண்டிச்சேரி 
தகவல் உதவி : திரு க.ரவிக்குமார்

ஆய்வாளர் திரு க.ரவிக்குமார் உடன் பா.ஜம்புலிங்கம்

புத்தர், திருப்பராய்த்துறை, கி.பி.10ஆம் நூற்றாண்டு,  என்ற குறிப்புடன் அந்த சிலை உள்ளது. திருப்பராய்த்துறை புத்தர் சிலைக்குப் பின்புறம் பிரபை உள்ளது. மார்பில் ஆடையும், தலையில் தீச்சுடரும் உள்ளன.  முகம் தெளிவாகத் தெரியவில்லை.  வழக்கமாக புத்தர் சிலைக்குள்ள பிற கூறுகள் இதில் உள்ளன.

திருச்சிராப்பள்ளி மாவட்டத்தில் பௌத்த எச்சங்களின் சமூக மற்றும் கலாச்சார மதிப்பு  (Social and cultural values of Buddhist remnants in Tiruchirappalli district), என்ற தலைப்பில் திருச்சி பெரியார் ஈ.வெ.ரா.கல்லூரியில் முனைவர் பட்ட ஆய்வு மேற்கொண்டுவருகின்ற ஆய்வாளர் திரு க.ரவிக்குமார் (8344856826) திருச்சி அருகேயுள்ள திருப்பராய்த்துறையைச் சேர்ந்த புத்தர் சிலையைப் பற்றிய பதிவு பாண்டிச்சேரி பிரெஞ்சு ஆய்வு நிறுவனத்தில் உள்ளதாகக்கூறி, புகைப்படத்தைத் தந்தார். 

களப்பணியின்போது ஆங்காங்கே காணப்படுகின்ற சில விடுபாடுகள் ஆய்வின் முக்கியமான பல தரவுகளைச் சேகரிப்பதில் குறைகளைத் தரும் என்பதை உணர்த்தியது திருப்பராய்த்துறை புத்தர் சிலை. ஆய்வின்போது களப்பணி மேற்கொண்டபோது பெரும்பாலும் தஞ்சாவூர் மற்றும் திருச்சி பகுதிகளைச் சார்ந்த அருங்காட்சியங்களுக்கு மட்டுமே சென்றதால், மதுரையிலுள்ள இந்த புத்தர் சிலையைப் பற்றி அப்போது அறியமுடியவில்லை. 
திருப்பராய்த்துறை புத்தர் 
நன்றி: திருமலை நாயக்கர் அரண்மனை அருங்காட்சியகம், மதுரை 
புகைப்படம் : திரு ஜ. சிவகுரு
இந்த புத்தர் சிலை மதுரை திருமலை நாயக்கர் அரண்மனை வளாகத்தில் உள்ள அருங்காட்சியகத்தில் காட்சிப்படுத்தப்பட்டுள்ளது. திருச்சி மாவட்டத்தைச் சேர்ந்த புத்தர் சிலை, சோழ நாட்டில் பௌத்தம் பரவியிருந்ததை உணர்த்தும் வகையில் மதுரை மாவட்டத்தில் உள்ள அருங்காட்சியகத்தில் காணப்படுகிறது. 


Just I came to know about a Buddha statue found in Tirupparaithurai in Trichy district of Tamil Nadu. I got a photograph of this Buddha from the collections of French Institute of Pondicherry, through Mr G.Ravikumar, a Ph.D., scholar, Periyar E.V.R.College (Autonomous), Trichy, who is doing under the title "Social and cultural values of Buddhist remnants in Tiruchirappalli district". The Buddha is now exhibited in the museum in the campus of Thirumalai Nayakkar Palace Madurai. As I did not cover the museums of other districts I could not able to find the statue earlier. This Buddha is an addition to the Buddhas of Trichy district. 

Monday, 1 July 2019

பௌத்த சுவட்டைத் தேடி : பேட்டவாய்த்தலையில் மற்றொரு புத்தர்

திருச்சி மாவட்டம் பேட்டவாய்த்தலையில் வயலில், அடையாளம் தெரியாத வகையில் முகம் வெள்ளையடிக்கப்பட்ட நிலையில், ஒரு புத்தர் சிலை இருந்ததை அண்மையில் அறியமுடிந்தது. இது பேட்டவாய்த்தலையில் இருந்த இரண்டாவது புத்தர் சிலையாகும்.

புத்தர் சிலைகளைத் தேடி களப்பணி மேற்கொண்டபோது வரலாற்றறிஞர் திரு கலைக்கோவன் அவர்கள் கூறிய தகவல்களில் ஒன்று பேட்டவாய்த்தலையில் ஒரு புத்தர் சிலை உள்ளது என்பதாகும். அவர் கூறிய தகவலின் அடிப்படையில் பேட்டவாய்த்தலையில் சென்று பல இடங்களில் தேடி பின்னர் சிலை இருக்குமிடம் கண்டுபிடிக்கப்பட்டது. மார்பில் உள்ள ஆடையின் மூலமாக அது புத்தர் என்பதை உறுதி செய்யமுடிந்தது.
மத்யார்ஜுனேஸ்வர் கோயிலின்
முன்பாக இருந்த புத்தர். புகைப்படம் : பா.ஜம்புலிங்கம் 
திருச்சி-கரூர் சாலையில் பேட்டவாய்த்தலை மத்யார்ஜுனேஸ்வரர் கோயிலின் முன்பாக அச்சிலை இருந்தது. அப்பகுதியில் முன்பு மூன்று சிலைகள் இருந்ததாகவும், இரண்டு சிலைகள் மண்ணில் புதைந்துவிட்டதாகவும் சிலர் கூறினர். (சோழ நாட்டில் பௌத்தம், முனைவர் பட்ட ஆய்வேடு, தமிழ்ப்பல்கலைக்கழகம், தஞ்சாவூர், 1999, ப.152) சிலையைப் பார்த்துவிட்டு, திருச்சி அருங்காட்சியகக் காப்பாட்சியருக்கு இவ்வாறாக ஒரு சிலை இருக்கும் விவரம் அஞ்சலட்டை வழியாக அவருக்குத் தெரிவிக்கப்பட்டது.  காப்பாட்சியரின் சீரிய முயற்சியால் அந்தச் சிலை திருச்சி அருங்காட்சியகத்தில் கொண்டுவந்து காட்சிப்படுத்தப்பட்டது. பல வருடங்களுக்குப் பின் சந்தித்தபோது அவர், பேட்டவாய்த்தலை புத்தர் திருச்சி வருவதற்குக் காரணம் நான் அஞ்சலட்டையில் தெரிவித்த தகவலே என்று கூறினார்.

அரசு அருங்காட்சியகத்தில் பேட்டவாய்த்தலை புத்தர் 
புகைப்படம் : திரு க.ரவிக்குமார்
திருச்சிராப்பள்ளி மாவட்டத்தில் பௌத்த எச்சங்களின் சமூக மற்றும் கலாச்சார மதிப்பு  (Social and cultural values of Buddhist remnants in Tiruchirappalli district), என்ற தலைப்பில் திருச்சி பெரியார் ஈ.வெ.ரா.கல்லூரியில் முனைவர் பட்ட ஆய்வு மேற்கொண்டுவருகின்ற ஆய்வாளர் திரு க.ரவிக்குமார் (8344856826) பேட்டவாய்த்தலையைச் சேர்ந்த மற்றொரு புத்தர் சிலையைப் பற்றிய பதிவு பாண்டிச்சேரி பிரெஞ்சு ஆய்வு நிறுவனத்தில் உள்ளதாகக்கூறி, புகைப்படத்தைத் தந்தார். 
பேட்டவாய்த்தலையில் மற்றொரு புத்தர் 
புகைப்படம் நன்றி : பிரெஞ்சு ஆய்வு நிறுவனம், பாண்டிச்சேரி
தகவல் உதவி : திரு க.ரவிக்குமார்
வயல் பகுதியில் இடுப்பு வரை புதைந்துள்ள நிலையில் புத்தரை அப்புகைப்படத்தில் காணமுடிந்தது. முகம் முற்றிலும் தெரியாத வகையில் வெள்ளையடித்து வைத்துள்ளனர். தலைக்குப் பின் பிரபை காணப்படுகிறது. மார்பில் ஆடை உள்ளது. தலையில் உள்ள தீச்சுடரை வைத்து இது புத்தர் என்று உறுதியாகக் கூறமுடியும். இதன்மூலம் திருச்சி மாவட்டத்தில் பேட்டவாய்த்தலையில் மேலும் ஒரு புத்தர் சிலை இருந்தது உறுதி செய்யப்படுகிறது. இச்சிலை தொடர்பாக மேலும் விவரங்களைப் பெற தொடர்ந்து களப்பணி மேற்கொள்வோம்.   
ஆய்வாளர் திரு க.ரவிக்குமார் உடன் பா.ஜம்புலிங்கம்
During my earlier field trip in 1999, on the information by historian Dr R.Kalaikkovan, I saw a Buddha statue in Pettaivaitthalai in Trichy district of Tamil Nadu, which was later shifted to the Government Museum in Trichy. Now, after two decades, I got a photograph of another Buddha statue from Pettaivaitthalai from the collections of French Institute of Pondicherry, through Mr G.Ravikumar, a Ph.D., scholar, Periyar E.V.R.College (Autonomous), Trichy, who is doing under the title "Social and cultural values of Buddhist remnants in Tiruchirappalli district". Expecting the day to go on another field study to see the field where the Buddha statue was said to be found.    

Saturday, 1 June 2019

தமிழ்ப்பௌத்த ஆய்வுப்பள்ளி

மதுரையில் 20 மே 2019 அன்று தமிழ்ப்பௌத்த ஆய்வுப்பள்ளியின் தொடக்க விழா சிறப்பாக நடைபெற்றது. இப்பள்ளியைத் தொடங்கிவைக்கும் அரிய வாய்ப்பினைத் தந்ததோடு விழாவினைத் தொடங்கிவைத்த திரு ஸ்டாலின் ராஜாங்கம், அறிமுக உரையாற்றிய திரு அன்புவேந்தன், உடன் உரையாற்றிய பெண்ணியலாளர் கீதா நிகழ்வில் கலந்துகொண்ட நண்பர்கள், ஆர்வலர்கள், ஆய்வாளர்கள் உள்ளிட்ட அனைவருக்கும் என் மனமார்ந்த நன்றி. 


இவ்விழாவினைப் பற்றிய செய்திகளையும், புகைப்படங்களையும் நண்பர்கள் முகநூலில் பகிர்ந்ததைப் பதிவதில் மகிழ்கின்றேன், அவர்களுக்கு நன்றியுடன்.
  
விழாவினை ஒருங்கிணைத்த பேராசிரியர் ஸ்டாலின் ராஜாங்கம்

அறிமுகவுரையாற்றிய திரு அன்புவேந்தன்

பேராசிரியர் ஸ்டாலின் ராஜாங்கம், பெண்ணியலாளர் கீதா, 
திரு காளிங்கன் உடன்
  
பள்ளியைத் தொடங்கிவைத்து உரையாற்றல், அருகில் பெண்ணியலாளர் கீதா


 
  
பெண்ணியாளர் கீதா உரையாற்றல்



திரு காளிங்கன், திரு அன்புவேந்தன்,
பேராசிரியர் ஸ்டாலின் ராஜாங்கம், பெண்ணியலாளர் கீதா உடன்


 




 


திரு ஸ்டாலின் ராஜாங்கம் உடன்
திரு அருள் முத்துக்குமரன் உடன்
  
முனைவர் பட்ட ஆய்வாளர் திரு ரவிக்குமார் உடன்

திரு ராஜ்குமார் உடன்
 பேராசிரியர் ஸ்டாலின் ராஜாங்கம்

வரலாற்றையும் பண்பாட்டையும் விளங்கி கொள்வதில் புதிய தரவுகளும் நோக்குகளும் உருவாகிக் கொண்டேயிருக்கும். அவற்றையெல்லாம் உள்வாங்கி சமூக பண்பாட்டு வரலாறு, சமயங்கள் மற்றும் மெய்யியல் வரலாறு எழுதப்பட வேண்டும். அவற்றை ஆங்காங்கு தொட்டுக்காட்டிய முயற்சிகள் மட்டுமே இங்கு உண்டு. எல்லாமும் கூறியது கூறலாகவும், இருப்பவற்றை அப்படியே தலைகீழாக்கி கூறலாகவும் தான் உள்ளன. 150 ஆண்டுக் காலத்தில் செம்மைபடுத்தப்பட்ட பிரதிகளை வைத்துக்கொண்டு 2000 ஆண்டுகால வரலாற்றை எழுதி எவ்வித அய்யமும் இல்லாமல் வரலாற்று நம்பிக்கையாக ஏற்று இயங்கி வருகிறோம்.
இந்நிலையில் தொல்லியல் துறையின் கல்விப்புல விளக்கங்களிலும் அவற்றை அப்படியே ஏற்றுக் கொள்கிற சமகால பண்பாட்டு 'ஆர்வங்'களிலும் உறைந்துகிடக்கிற ஒற்றைத்தன்மை, பண்பாட்டை புரிந்து கொள்வதில் அயோத்திதாசர் போன்றோர் மூலம் கிடைக்கிற கோணங்கள் ஆகியவற்றை பற்றி நண்பர்களோடு அவ்வப்போது உரையாடி வந்ததின் தொடர்ச்சியில் உருவாவதே தமிழ்ப்பெளத்தப்பள்ளி என்கிற இந்த யோசனை. ஆய்வுமையம் என்பதை குறிப்பதற்கான சொல்லாகவே இப்பெயர் சூட்டப்பட்டுள்ளது.
தற்காலத்தில் பெளத்தம் பற்றிய விழிப்புணர்வு பெருகி வருகின்ற போதிலும் அது மிகுதியும் அரசியல் சார்ந்தே புரிந்துகொள்ளப்படுகிறது. தமிழகத்தில் பரவலாக புத்தர் சிலைகளும் பெளத்த தடயங்களும் கிடைத்துள்ள போதிலும் அவற்றை பண்பாடு வரலாறு ஆகியவற்றோடு ஒருங்கிணைத்து பார்த்த ஆய்வுகள் இங்கில்லை. புத்தர் சிலைகள் ஒருபுறம் மக்கள் பண்பாட்டிலிருந்து பிரித்தெடுக்கப்பட்டு வெறும் மியூசிய காட்சிபொருளாகின்றன . மறுபுறமாக மக்கள் தரப்பில் இருக்குமானால் திரிக்கப்பட்டு இன்றைய இந்து பண்பாட்டு கதையாடல்களுக்குள் கொண்டு சேர்க்கப்படுகின்றன.ஜைன சமயத்திற்கு இருப்பது போன்ற அமைப்புகளோ, பொருளாதார சார்புகளோ ,பண்பாட்டு பாதுகாப்போ பெளத்தத்திற்கு இல்லை. தமிழ் பண்பாட்டில் அது கொண்டிருந்த தொடர்ச்சியை பின்னணியாக்கிக்கொண்ட பெளத்த விழிப்புணர்வு போக்கு இங்கு உருவாகவே இல்லை.
சமயம் என்று நிறுவனமாக புரிந்துகொண்டு பேசுவது ஒருபுறமிருந்தாலும் பெளத்த தடங்கள் பிரதிகளைத் தாண்டி மக்கள் பண்பாட்டோடு ஊடாடியதை புரிந்து கொள்ளுதல், பிற மரபுகளோடு கலந்தும் விலகியும் இயங்கிய தன்மை , பண்பாட்டு நடைமுறைகளின் சமீப வடிவங்களைத் தாண்டி அதன் திரிந்த / மாறிய போக்குகளை இனங்காணுதல், தரவுகளையும் ஆய்வு அணுகுமுறைகளையும் உள்ளூர் மரபின் பின்னணியிலிருந்து புதுக்குவது என்பவை நம்முடைய முதன்மை அக்கறைகள் .
பெளத்தம் சார்ந்த கண்ணுக்குப் புலப்படும் தரவுகள் மட்டுமே இதுவரை ஆதாரங்களாக கொள்ளப்படுகின்றன. அவற்றோடு கண்ணுக்கு புலப்படாத பண்பாட்டு நம்பிக்கைகளையும் ஆவணப்படுத்துவது தான் இந்த பள்ளியின் முதன்மை நோக்கம். இதன் வழியாக தமிழ்ச்சமூக பண்பாடு சமயங்கள் மற்றும் மெய்யியல் வரலாற்றை மாற்று கோணத்தில் அணுக உதவுவதும் இந்த கோணத்தில் ஆய்வு மேற்கொள்ள விரும்பும் ஆய்வுக்குழுவை உருவாக்குவதும் அல்லது உதவியாக இருப்பதும் இதன் மற்றொரு நோக்கம் .அடிப்படையில் இது ஆய்வாளர்களுக்கான தளம். ஆய்வாளர் என்பவர் கல்விப்புலம் சார்ந்தவராக இருக்க வேண்டிய அவசியமில்லை.
எல்லாவற்றையும் உடனே செய்துவிட முடியாது என்பதால் பெரிய வேலைத்திட்டங்களுக்கான பிரகடனங்கள் இல்லை. கிடைக்கும் தரவுகளை அடிப்படையாகக் கொண்டு கருத்தரங்கு, வாசிப்பு அரங்கு, பயிலரங்கு, ஆய்வுக் கட்டுரை போன்றவற்றில் ஒரிரண்டையாவது படிப்படியாக செய்ய திட்டம் .
நண்பர்களின் யோசனைகளும் உதவியும் பங்களிப்பும் தேவைப்படுகின்றன . மே 20 ஆம் நாள் மதுரையில் இதன் தொடக்க விழா நடந்தது. உள்ளூர் பெளத்தம் பற்றிய யோசனைக்கு வித்திட்ட பண்டிதர் அயோத்திதாசரின் பிறந்த நாள் இது.இந்த முதல் கூட்டத்திற்கு நண்பர்கள் அழகரசன், ஏ பி ராஜசேகரன், காளிங்கன் ,ரத்தினக்குமார், அருள்முத்துக்குமரன், ஜெயப்பிரகாஷ் ,வெ முருகன், அருண்பிரகாஷ் ராஜ்,ராஜா ஆகியோர் ஆலோசனையிலும் ஆதரவிலும் இணைந்தனர். இத்தகைய ஆய்வு மையத்திற்கான யோசனையை தந்த அன்பு வேந்தனும் நானும் ஒருங்கிணைத்தோம்.
பெளத்தம் பற்றிய இன்றைய ஓர்மையில் புத்தரின் சிலைகள் பரவலாக கிடைத்திருப்பவை முக்கிய தாக்கம் செலுத்தியிருக்கின்றன. அதன் சேகரிப்பில் குறிப்பிடத்தக்க பணியைச் செய்த முனைவர் பா.ஜம்புலிங்கம் இந்நிகழ்வை தொடங்கி வைத்தார். புத்தர் சிலைகளை தேடிய அனுபவங்களையும் மக்களிடையே இருந்து வந்த வெவ்வேறு புரிதல்களையும் தன்னுடைய உரையில் விரிவாக பகிர்ந்து கொண்டார்.
வ.கீதா கருந்துரை வழங்கினார். இந்தியாவில் வரலாற்று ரீதியாக பகுதிகள் சார்ந்து பெளத்தம் விளங்கி வந்த விதத்தை விவரித்த அவரின் உரை உள்ளூர் அளவில் பல்வேறு தரப்பினராலும் பெளத்தம் புரிந்து கொள்ளப்பட்ட விதத்தையும் வரிசைப்படுத்தியது. பெளத்த அக்கறை கொள்ளும் யாருக்குமான வரைபடமாக அவ்வுரை விளங்கியது. பெளத்தத்தை உள்ளூர் அளவிலிருந்து புரிந்து கொள்ள முற்படும் இந்த அமைப்பின் தொடக்க விழாவிற்கு பொருத்தமான உரையாக அது அமைந்தது. இருவரின் உரைகளும் காணொளியாக பகிரப்படும்.
இன்னும் சில நாட்களில் இவ்வாய்வுப்பள்ளிக்கான இணையதளம் இயங்கத் தொடங்கும். தமிழகத்தில் கிடைத்த புத்தர் சிலைகளின் 30 படங்கள் சிறிய அளவில் கண்காட்சியாக வைக்கப்பட்டிருந்தது. நிகழ்வில் கலந்துகொண்ட நண்பர்களுக்கு நன்றி.
காரியங்கள் கைகூட வேண்டும். பார்க்கலாம்

திரு மதுரை சரவணன்
பேராசிரியர் ஸ்டாலின் ராஜாங்கம் தமிழ்ப்பௌத்த ஆய்வுப்பள்ளியின் அவசியம் குறித்து பேசி விழாவை தொடங்கி வைத்தார்.
முனைவர் ஜம்புலிங்கம் அவர்கள் தமிழ்ப்பௌத்த ஆய்வுப்பள்ளியை தொடங்கி வைத்து, தனக்கும் புத்தருக்குமானத் தொடர்பை சுவாரஸ்யமானச் சம்பவங்களுடன் கூறினார். களப்பணி மூலமாகக் கண்டறிந்த மீசை வைத்த புத்தர் சிலை, திருடு போன சமணர் சிலை, திருடன் என மாட்டிக்கொண்டபோது பத்தாவது மாணவியால் தப்பித்த சம்பவம், கண்டிரமாணிக்கம் புத்தர் இடமில்லாமல் கோயில் வளாகத்தில் வைக்கப்பட்ட தகவல், புஷ்பவனத்தில் மொட்டை அடித்து வழிபடப்படும் புத்தர் இருக்கிறார் என்ற தகவலையும், முன்பு இடும்பவனத்தில் இருந்த புத்தர் சிலை தற்போது இல்லை என்ற அதிர்ச்சி தகவலையும் அளித்தார்.
“1994ல் கும்பகோணம் வலங்கைமான் அருகில் மூன்று புத்தர் உள்ள தகவல் கிடைக்கப் பெற்றேன். 8 ஆண்டுக்கு பின் சென்று வளையமாபுரத்தில் அழகானத் தலையில்லாத புத்தர் சிலையைக் கண்டேன்” என்ற போது அவர் ஆய்வு மீது கொண்ட அக்கறை விளங்கியது. புத்தர் மேல் எண்ணெய் தடவினால் கொசு கடிக்காது, குழுமூரில் புத்தர் சிலை இருப்பதால் குழந்தைகள் அழுவதில்லை என்பது போன்ற மூட நம்பிக்கைகள் குறித்து குறிப்பிட்டு ஆச்சரியப்படுத்தினார். பட்டீஸ்வரத்தில் கிராம தேவதை கோயிலில் புத்தர் சிலை உள்ளது என்று மயிலை சீனி வேங்கடசாமி குறிப்பிட்டுள்ளார். ஆனால், அங்கு சென்று பார்த்தபோது அப்படி இல்லை. அதன்பின் ஆவூர் ரோட்டில் புத்தர் சிலை உள்ளது என ஒருவர் கூற, அங்கு சென்று பார்த்தேன். பிற தெய்வங்களுடன் புத்தர் சிலை அங்கிருந்தது எனக் கூறி சுவாரஸ்யம் ஊட்டினார். சரியான இடத்தை குறிப்பிடுவது நல்லது என்றார். முதன்மை ஆதாரங்கள் மிக முக்கியமானவை. அவை இல்லை எனில் சான்று ஆதாரம் மாறி, வாய்மொழி கதைகள் முளைத்து ஆதாரம் திரிக்கப்பட்டு விடக் கூடும் அன்று கூறி, வரலாறு மாற்றப்படுவது குறித்து எச்சரித்தார். புத்தர் குறித்த ஆய்வுகள் முன்பை விட அதிகரித்துள்ளது மகிழ்ச்சி அளிக்கிறது என தனது உரையை முடித்தார்.

பெண்ணீய செயல்பாட்டாளர் வ. கீதா அவர்களின் உரை
தற்காலத்திற்கும் கடந்த காலத்திற்குமான உரையாடலே வரலாறு ஆகும். வரலாறு அற்றவர்கள்/மறுக்கப்பட்ட மக்களின் வரலாறாக பௌத்த ஆய்வுகள் உள்ளன. இதுவே, பௌத்த வரலாறாக உள்ளது. வேறு எந்த விசயங்களால் வரலாற்றை தொடர்பு படுத்த வேண்டும்? இதற்கு முன்பு என்ன செய்தார்கள்? நவீன காலத்தில் பௌளத்த பற்றிய ஆய்வுகளின் பரப்பு மூன்று வகையாக பிரிக்கலாம். அவை 1. மேற்கத்தியர் செய்த ஆய்வுகள். 2. இந்திய துணைக்கண்டத்தில் செய்யப்பட்ட ஆய்வுகள் 3. பௌத்தத்தின் மீது ஏற்பட்ட ஆர்வத்தினால் மேற்கொள்ளப்பட்ட ஆய்வுகள் ஆகும். மேற்கத்தியர் செய்த ஆய்வுகள் 1. மொழியியல் துறை சார்ந்த பண்பாட்டு ஆய்வுகளாக உள்ளன. அவை பாலி/சமஸ்கிருதம் சார்ந்த ஆய்வுகளாக உள்ளன. 2. அவர்கள் பௌத்த நூல்களை மொழிபெயர்த்தனர். 3. கிறித்துவ மிஷன்களின் ஆய்வுகள் பிராமணியத்தையும், பௌத்தத்தையும் இணைப்பதாக இருந்தது. புத்தரும் ஏசுவும் சந்தித்து கொண்டனரா? என்பது போன்ற ஆய்வுகளும் மேற்கொண்டனர். 4. பௌத்தத்திற்கும் பிராமணியத்திற்கும் இடையே உள்ள சவால்கள் மொழியல் ஆய்வுகளாக மேற்கொண்டனர். 5. பௌத்தம் குறித்த ஆய்வுகளை விளக்க வரும்போது தங்கள் கட்டமைக்கப்பட்ட வரலாற்றில் இருந்தும், பிராமணியத்திற்கு மாற்று  இந்து மதம் தன்னை சீர்திருத்தம் செய்வதற்கானதாகக் கூறினார்கள். இந்திய ஆய்வாளர்கள் பல நிலைகள் கொண்டுள்ளனர். 1. இந்து மதத்தின் சீர்திருத்தப்பட்ட வடிவம் பௌத்தம் என்கின்றனர். 2. கல்கத்தா, பூனா, சென்னை போன்ற மையங்கள் செய்த ஆய்வுகள் மொழி சார்ந்த பண்பாட்டு தளம் சார்ந்த ஆய்வாக உள்ளது. 19ஆம் நூற்றாண்டு தொடக்கத்தில் வங்க மொழியில் மாற்றம் ஏற்பட்டபோது கலச்சாரம் அதன் அடையாளமாக உள்ளது் என அரி பிரகாஷ் சாஸ்திரி கூறியுள்ளார். ஏற்கனவே இருக்க கூடிய வழிபாடுகள் பௌத்தத்திற்குள் சென்றிருக்கலாம் என்றும் கூறினார்.

பீம்பாய் கலிங்கத்துடன் இணைத்து பேசுகின்றனர். பூனே பகுதியில் எல்லோரா குகை, எலிபண்ட் கேவ் ஆகியவை பௌத்த மதம் குறித்து பேசுகின்றன. பிபி சிண்டே மராத்தியில் எழுதிய நூலில்  தமிழ்நாட்டில் பறையர்கள் மத்தியில் பௌத்த மதம் பரவியுள்ளதாக கூறுகின்றார். தறகால வாழ்வு நெறியாக்கி தேடலை ஏற்படுத்தியவர்கள் நரேந்திரநாதன், ராகுல் சாங்கிருத்யாயன், கௌசல்யன் ஆவார்கள். அரசியல் தளத்தில் ஆச்சாரியர் தர்மானந்த கோசாம்பி ஆகியோர் ஆய்வுகள் முக்கியமானவை. பூவேந்திர நாத் தத்தா, சுவாமி விவேகானந்தர. தம்பி பண்பாட்டு தளத்தில் ஆய்வு மேற்கொண்டுள்ளார். இந்துக்கு மாற்று மதமாக பௌத்தம் திகழ்கிறது. ஒவ்வொரு பகுதிக்கு உரிய பார்வை மாறுபட்டுள்ளது. இஸ்லாம் அரசர்கள் பௌத்தத்தை போதித்தனர் என்கிறது பூனே பகுதி ஆய்வுகள். 
பொற்கால சிந்தனையை கேள்விக்குடபடுத்தும் விதமாக பௌத்தம் இருந்துள்ளது். அயோத்திதாசர் - அறம் சார்ந்த தத்துவம் - (தர்மானந்த கோசாம்பியைத் தவிர்த்து) குறித்து விளக்குகிறது. நவீன வரலாற்றின் தாக்கத்திற்கு உட்பட்டு, உள்ளூர் வரலாற்று பண்புகளுடன் விளக்கும் பார்வையுடையதும், விடுதலை மரபை கொண்டுள்ளதாக அயோத்தி தாசர் ஆய்வுகள் உள்ளன. 1. பௌத்தம் அந்நியப்பட்டதன்று 2. உள்ளூர் பழக்கவழக்கங்கள் / திரிபுகளில் இருந்து கதையாடல் வாழ்வியல் வழியாக பௌத்தத்தை கட்டமைக்கிறார். இதனை அவரின் "ஆதி வேதம்" கூறுகிறது. சாதி எதிர்பை முன்னிறுத்திப் பேசிய அனைவரும் பேசுவது தன்னிலை மாற்றம் வேண்டும். தன்னிலை மாற்றத்திற்கு அறம் தேவைப்படுகிறது. அதனால், பௌத்தம் குறித்த புரிதலும் மாறுபடும் என்பது எனது கருத்து என்ற ஆழ்ந்த ஆய்வுரையை வழங்கினார் பெண்ணிய செயற்பாட்டாளரான கீதா.
பேராசிரியர் ஸ்டாலின் ராஜாங்கம் தெற்காசிய நாடுகளில் புத்தர் சிலைக்கு உள்ள தேவையினைக் குறித்து கூறி, புத்தர் சிலை திருடு போவதற்கான காரணத்தை விளக்கி எச்சரிக்கையாக இருக்க வலியுறுத்தினார்.

திரு அருள் முத்துக்குமரன்
பண்டிதர் பிறந்த நாளான மே 20 அன்று மதுரையில் தமிழ்ப்பெளத்த ஆய்வுப் பள்ளி தொடங்கப்பட்டது. இது தலித் வரலாற்றின் அடுத்தக் கட்ட நகர்வுக்கு அழைத்து செல்லும். சிறப்பு அழைப்பாளர்களாக வந்த அய்யா ஜம்புலிங்கம் தன்னுடைய முனைவர் பட்டத்திற்காக மேற்கொண்ட "சோழநாட்டில் பௌத்தம்" பற்றிய தன் கள அனுபவங்களைப் பகிர்ந்துகொண்டார். மேலும், அதன் அவசியத்தையும் உணர்த்தினார்.
மற்றொரு அழைப்பாளரான வ.கீதா அவர்கள் மிக சிறப்பாக உரை நிகழ்த்தினார். நவீன காலத்தில் உலக நாடுகளில் பௌத்தைப் பின்பற்றப்பட்ட பின்னணியையும் அதன் மீது நிகழ்ந்த ஆய்வுகளைப் பற்றியும் விரிவாகப் பேசினார். மேலும், தமிழில் பௌத்தத்தின் மீது பண்டிதர் நிகழ்த்திய ஆய்வின் முக்கியத்துவத்தையும் விளக்கினார். நம் ஆய்வின் விரிவான எல்லையின் அவசியத்தையும் உணர்த்தினார்.
இந்நிகழ்வை அய்யா எழுத்தாளர் ஸ்டாலின் ராஜாங்கம், ஆய்வாளர் அன்பு வேந்தன் ஆகியோர்கள் ஒருங்கிணைத்தார்கள்.

திரு ரமேஷ் கண்ணன்
முனைவர் ஜம்புலிங்கம் அவர்கள் தனது நீண்டகால ஆய்வுப்பணியினை சிறுகதை போலச் சொல்லிக்கொண்டே சென்றார். சோழநாட்டுப் பகுதியில் அவர் கண்டறிந்த புத்தர் சிலைகளைப் பற்றிய தகவல்களும் அதற்கென அவரின் மெனக்கெடலும் மலைப்பாக இருந்தன. அவர் நெற்றியில் திருநீறு அணிந்திருந்தது தமிழ் நிலத்தின், அவரின் பக்க சார்பற்ற ஆய்வுமுறைமைக்கும் எடுத்துக்காட்டாக அமைந்தது.
அடுத்ததாக பேசிய வ.கீதா அவர்கள் பௌத்தம் குறித்த விஷயங்களை உலகளாவிய அளவில் விரிவாக அணுகியதுடன் நிலம்சார் அடையாளம் அற்று மொழிசார் அடையாளத்துடனிருப்பது சரியென்ற தனது பார்வையை எடுத்துரைத்தார். பௌத்தம் குறித்த ஆய்வுக்கான இன்றைய தேவையையும் அவசியத்தையும் நிரல்பட உரையாற்றியது வெகுசிறப்பு.
முன்னதாக அன்புவேந்தன் ஆய்வென்பது டெக்ஸ்டை ஆப்ஜெக்ட்ஸ்ஸைத் தாண்டி மனிதர்களின் அன்றாட வாழ்வியலில் இரண்டறக் கலந்துள்ள பௌத்தக்கூறுகளை கண்டறிவதின் அவசியத்தை வலியுறுத்தினார்.
பேராசிரியர் ஸ்டாலின் ராஜாங்கம் ஆய்வுப்பள்ளியானது பௌத்த மதத்தின் பரப்புரைக்கோ அதன் வளர்ச்சி குறித்தோ அமைக்கப்பட்டதல்ல எனவும் ஏற்றத்தாழ்வு மிக்க சமூகத்தில் அறம்சார் விழுமியங்களைக் கொண்ட பின்பற்றல் முறைகளைப் பற்றிய மீள்கொணர்வும் அதன் மூலமாக நேர்மறைச் சிந்தனைகளை சமூகத்தில் ஏற்படுத்துவதுமேயாகும் என்றும் கூறி நிகழ்வினை முடித்தார்.
ஆய்வாளர் கண்டறிந்த புத்தர் சிலைகள் பற்றிய புகைப்படக் கண்காட்சியும் வளாகத்தில் நடைபெற்றது.

நன்றி
திரு ஸ்டாலின் ராஜாங்கம், திரு மதுரை சரவணன், திரு அருள்முத்துக்குமரன்,  திரு அன்புவேந்தன், திரு ரவிக்குமார், திரு பொய்யாமொழி முருகன், திரு ரமேஷ்கண்ணன், திரு ராஜ்குமார் மற்றும் நண்பர்கள் 

Wednesday, 1 May 2019

Newspaper clippings : Mangalam Buddha : June 1999

Just before the submission of my thesis entitled "Buddhism in the Chola country" (in Tamil, Ph.D., Tamil University, Thanjavur 613 010, 1999) I happened to find a Buddha statue in Aravandi Amman Temple in Mangalam near Musiri, Trichy district of Tamil Nadu. The statue was in padmasana sitting posture. All the features found in the Buddha statues of the Chola country were found in this statue, with the addition of moustache. The Buddha was worshipped as 'Chettiar'. 

The speciality of the Buddha statue was it had moustache. Historian Mr. K.Sridharan helped me to identify the statue. Dr Kudavayil Balasubramanian was instrumental to get the finding published in newspapers. My guide Dr G. Bhaskaran encouraged me during my research work. I thank them and share the paper clippings pertaining to the Buddha. This was the first finding and widely found in the media. A look into the clippings which appeared two decades back, with due thanks to the newspapers.  

தினமலர், 17 சூன் 1999

தினமணி, 18 சூன் 1999

முரசொலி, 18 சூன் 1999
மாலைமலர், 18 சூன் 1999
தமிழ் முரசு, 8 சூலை 1999
Indian Express, 10 July 1999
தின பூமி, 15 சூலை 1999
தினகரன், 21 சூலை 1999
தினத்தந்தி, 21 செப்டம்பர் 1999

மக்கள் குரல், 19 பிப்ரவரி 2000

Monday, 1 April 2019

பௌத்த சுவட்டைத் தேடி : சந்தைதோப்பு, நாகப்பட்டினம் மாவட்டம்

27 ஆகஸ்டு 1998
வேதாரண்யம் பகுதியில் களப்பணி சென்றபோது நாகை வேளாங்கண்ணி சாலையில் வீரன்குடிகாடு என்னுமிடத்தில் புத்தர் சிலைகள் இருப்பதாக களப்பணியின்போது அறியமுடிந்தது. 2007வாக்கில்  களப்பணியின்போது நாகை வேதாரண்யம் சாலையில் பரவைக்கு முன் புத்தர் சிலை இருப்பதாகக் கூறினர். தென்பொய்கைநல்லூருக்கு மேற்கே கருவேலங்கடை என்னுமிடத்தில் என்று ஒருவர் கூறினார். மேற்கண்ட இடங்களைப் பற்றிக் குறிப்பிட்டு அது தொடர்பாக களப்பணி செல்ல காத்திருந்தபோது நாகப்பட்டினம் பகுதியில் புத்தர் சிலைகள் இருப்பதை 2013வாக்கில் அறியமுடிந்தது. 

1 மே 2013
1 மே 2013 களப்பணியின்போது நாகப்பட்டினம் மாவட்டத்தில் கிராந்தி மற்றும் சந்தைத்தோப்பு என்னுமிடங்களில் இருந்த புத்தர் சிலைகளை திரு க.இராமச்சந்திரன் தந்த தகவலின் அடிப்படையில் அவருடன் சென்று பார்த்தோம். கிராந்தி புத்தரைப் பற்றிய செய்தி நாளிதழ்களில் தரப்பட்டு அவை பெரும்பாலான இதழ்களில் வெளியாயின. அதனைப் பற்றி முந்தைய பதிவில் பார்த்துள்ளோம். அன்று நாங்கள் பார்த்த மற்றொரு புத்தர் சிலை வேளாங்கண்ணி அருகே (நாகப்பட்டினம் வேளாங்கண்ணி சாலையில் வேளாங்கண்ணிக்கு சற்று முன்பாக) சந்தைத்தோப்பு என்னுமிடத்தில் இருந்த தலையில்லாத புத்தர் சிலையாகும். அச்சிலை அமர்ந்த நிலையில் இருந்தது. 32" உயரமும், 22" அகலமும் இருந்த அச்சிலையின் கையிலிருந்த தர்ம சக்கரம் சிதைந்திருந்தது. மார்பில் ஆடை அழகாக இருந்தது. வலது கை கட்டை விரல் உடைந்திருந்தது. அப்பகுதியைச் சேர்ந்த ஒருவர் தான் சிறுவனாக இருந்தபோது அருகில் விளையாடிக்கொண்டிருந்ததாகவும், அழகாக தலையோடு இருந்ததாகவும், அப்பகுதியில் பெரிய சந்தை கூடும் என்றும், சந்தைக்கு வருபவர்கள் இந்தச் சிலையைப் பார்த்துப் பிரமித்துப் போவார்கள் என்றும், சில வருடங்களுக்கு முன் இச்சிலையின் தலையைக் காணவில்லை என்றும் கூறினார். இந்த சிலையைப் பற்றிய செய்தியையும் இணைத்து நாளிதழ் செய்தியினைத் தருவோம் என்றபோது, திரு இராமச்சந்திரன்  "முதலில் கிராந்தி புத்தரைப் பற்றிய செய்தியினைப் பகிர்வோம், பின்னர் சந்தைத்தோப்பு புத்தரைப் பற்றி எழுதுவோம்" என்று  கூறியிருந்தார்.


11 மார்ச் 2019
கிட்டத்தட்ட ஆறு ஆண்டுகளுக்குப் பின்னர் மறுபடியும் சந்தைத்தோப்பு புத்தரைப் பற்றி பேசும் வாய்ப்பு கிடைத்தது. இதற்கிடைப்பட்ட காலங்களில் அவரிடம் நினைவூட்டியிருந்த போதிலும், ஓர் ஆய்வாளரின் நாகப்பட்டின ஆய்வு தொடர்பான தேடல் அந்த புத்தரைப் பற்றிய விவாதத்தினை மறுபடியும் ஆரம்பித்தது. 11 மார்ச் 2019 அன்று, விஷ்வபாரதி மத்திய பல்கலைக்கழகத்தில் (சாந்திநிகேதன், கொல்கத்தா, மேற்கு வங்காளம்) தமிழ்த்துறையில் முனைவர் பட்ட ஆய்வு மேற்கொண்டு வரும் திரு தமிழ் சங்கர், தன் ஆய்வு தொடர்பாக என்னைக் காண வந்திருந்தார். அப்போது சோழ நாட்டில் பௌத்தம் தொடர்பாக ஆய்வு மேற்கொண்டுவருகின்ற, களப்பணியாற்றி வருகின்ற நண்பர்களை அறிமுகப்படுத்தியபோது நாகப்பட்டினம் நண்பர் திரு இராமச்சந்திரன் அவர்களையும் அவருக்கு அறிமுகப்படுத்தினேன். அதிகமான அலுவலகப்பணிகளுக்கிடையேயும் அவர் தொலைபேசியில் பேசினார். அப்போது அவரிடம் கிராந்தி புத்தரைப் பார்க்கச் சென்றபோது பார்த்த சந்தைத்தோப்பு புத்தரை மறுபடியும் பார்க்கவேண்டும் என்றும் அதனை வெளியுலகிற்கு அறிமுகப்படுத்தவேண்டும் என்று நினைவூட்டியபோது அவர் மிகவும் மகிழ்ந்தார். தேர்தலுக்குப் பின்னர் இது தொடர்பாக பணியினை மேற்கொள்வோம் என்றார். அவரிடம் பேசியது மன நிறைவினைத் தந்தது. சந்தைத்தோப்பு புத்தரை மறுபடியும் காணும் நாளுக்காகக் காத்திருக்கிறேன். சென்றுவந்தபின்னர் அந்த அனுபவத்தை எழுதுவேன்.  

நன்றி :
சந்தைத்தோப்பு புத்தர் சிலையைப் பற்றிய தகவல் தந்ததோடு அதனைக் காண்பதற்காக எங்களை அழைத்துச்சென்ற திரு க.இராமச்சந்திரன், களப்பணியின்போது உடன்வந்த திரு தில்லை கோவிந்தராஜன், தகவலாளர் திரு செல்வம் ஆகியோருக்கு நன்றி.   

ஆய்வாளர்கள் வருகை

அரிய கண்டுபிடிப்புகளின் நாயகர்கள், களப்பணி முன்னோடிகள் மற்றும் வரலாற்று ஆர்வலர்கள் திரு ம.செல்வபாண்டியன் மற்றும் திரு சி.பொன்னம்பலம் ஆகிய இருவரும் 30 மார்ச் 2019 அன்று எங்கள் இல்லம் வந்திருந்தனர். பௌத்தம், சமணம் தொடர்பான களப்பணி, கண்டுபிடிப்புகள், ஆய்வுகள் தொடர்பாக விவாதம் மேற்கொண்டோம். இவர்களுடனான விவாதம் என் ஆய்வின் மீதான ஆர்வத்தை மேலும் மிகுவிக்கிறது. அவர்களுக்கு என் மனமார்ந்த நன்றி.

துணை நின்றவை
களப்பணித் தொகுதி 4,  1998-99, ப.143
ஆதாரம்  2000-2007, ப.259
களப்பணித் தொகுதி 9,  2013-16, ப.43

Since 2007, based on the information received during the field work, I have been expecting to see the Buddha statues which were said to have found near Velankanni in Nagapattinam district of Tamil Nadu. During our field work in 1 March 2013, as per the information given by Mr K.Ramachandran, myself alongwith Mr Thillai Govindarajan went to Kiranthai and Santhaithoppu near Velankanni and saw two Buddha statues. While we discussed about the Kiranthai Buddha earlier, we are expecting time to see the Santhaithoppu Buddha again and write about it shortly.   

Friday, 1 March 2019

சமணர்களின் அட்சய திருதியை : ஆசை : காமதேனு

17.2.2019 நாளிட்ட காமதேனு இதழில் நீரோடிய காலம் என்ற தலைப்பில் ஆசை எழுதி வரும் தொடரில் சமணர்களின் அட்சய திருதியை என்ற தலைப்பில்  கட்டுரை வெளியாகியுள்ளது. சமணம் பற்றிய திரு அப்பண்டைராஜ் அவர்களின் பேட்டியைக் கொண்டுள்ள அப்பதிவில் தஞ்சையில் சமணம் நூல் மேற்கோளாக சுட்டப்பட்டுள்ளது. கட்டுரையினையும், மேற்கோளையும் பகிர்வதில் மகிழ்கிறேன், திரு ஆசைத்தம்பி அவர்களுக்கும், காமதேனுவிற்கும் நன்றியுடன். 







Monday, 4 February 2019

துபாய் புத்தரும் மீசை வைத்த புத்தரும்! : ஆசை : காமதேனு

என்னுடைய பௌத்த ஆய்வு தொடர்பாக 10 பிப்ரவரி 2019 நாளிட்ட 
(3.2.2019 அன்று வெளியான) காமதேனு இதழில் வெளியான கட்டுரையைப் பகிர்வதில் மகிழ்கிறேன், 
அவ்விதழுக்கும் திரு ஆசைத்தம்பிக்கும் நன்றியுடன்.




நீரோடிய காலம்
ஆசை
துபாய் புத்தரும் மீசை வைத்த புத்தரும்!

இந்து மதம், சமணம், பௌத்தம் உள்ளிட்ட பல மதங்களின் தாயகம் இந்தியா. இவற்றில் ந்தியாவுக்கு வெளியிலும் ஆதிக்கம் செலுத்திய மதம் பௌத்தம். அன்றைய காலத்தில் ஒரு குட்டி காஸ்மோபாலிட்டனாக ருந்த தஞ்சையிலும் பௌத்தத்தின் தாக்கம் ருந்து, காலப்போக்கில் அருகிப்போய்விட்டது. ந்தச் சூழலில் தஞ்சை மண்ணில் பௌத்தத்தின் சுவடுகளைத் தேடிக் கொண்டிருக்கும் ஆய்வாளராகிய முனைவர் பா.ஜம்புலிங்கத்தைச் சந்திக்கச் சென்றோம். தஞ்சை சரஸ்வதி மகாலில் தனது நண்பரைப் பார்க்க வந்திருந்த ஜம்புலிங்கத்துடன் நிகழ்ந்த  சந்திப்பு து.

நெற்றியில் திருநீறு துலங்க நம்மை வரவேற்றார் ஜம்புலிங்கம். "தீவிர சைவ சமய பக்தரான நீங்கள் பௌத்தம் தொடர்பான ஆராய்ச்சியில் றங்கியது எப்படி என்ற கேள்வியிலிருந்து நம் உரையாடலைத் தொடங்கலாம் என்று நினைக்கிறேன்" என்றேன்.     
'ஹா...ஹா...' என்று சிரித்தபடி பேச ஆரம்பித்தார் ஜம்புலிங்கம்.

"சோழ நாட்டில் பௌத்தத்தின் தடத்தைத் தேடும் ஆய்வை இருபத்தைந்து ஆண்டுகளுக்கு முன்னால் தொடங்கினேன். அன்று முதல் ன்று வரை என்னைப் பார்க்கும் பலரும் கேட்கும் கேள்விதான் து" என்று சொல்லிவிட்டுத் தொடர்ந்தார்,
"என்னைப் பொறுத்தவரை ஒரு நல்ல ஆய்வாளர் தன் விருப்பு வெறுப்பைத் தன் ஆய்வின்மீது திணிக்கக் கூடாது. அந்த வகையிலேதான் ஒரு இந்துவாகிய நான் திறந்த மனதுடன் பௌத்தம் தொடர்பான ஆய்வைத் தொடங்கினேன்" என்றார்.  

"இருபத்தைந்து ஆண்டுகளில் ஐம்பதுக்கும் மேற்பட்ட புத்தர் சிலைகளைச் சோழ மண்டலத்தில் கண்டுபிடித்திருக்கிறீர்கள். உங்கள் பயணம் அவ்வளவு எளிதாக இருந்ததா?"
"தொடக்கம் முதலே சிரமம்தான். மயிலை சீனி.வெங்கடசாமி 1940-ல் எழுதிய 'பௌத்தமும் தமிழும்' புத்தகம் ஒரு சிறிய திறப்பை எனக்குக் கொடுத்தது. அவரே சோழ நாட்டில் பத்து புத்தர் ச்லைகளைத்தான் பட்டியலிட்டிருக்கிறார். அதிலும் அவர் முதல் தடவை பார்த்த ச்லைகளை இரண்டாம் முறை பார்த்தபோது காணக் கிடைக்கவில்லையாம். இலக்கியத்தில் இரண்டாயிரம் ஆண்டுகளாக பௌத்தத்தின் சுவடுகள் ஆழமாக இருக்கின்றன. ஆனால், களத்தில் இந்தச் சுவடுகள் அருகிவிட்டன. இந்த வரலாற்று இடைவெளியை நிரப்பும் முயற்சியில்தான் எனது ஆய்வைத் தொடங்கினேன். முதலில் வாழும் பௌத்தர்கள் யாராவது சோழ மண்டலத்தில் ருக்கிறார்களா என்று தேடிப் பார்த்தேன். ஒருவரும் கிடைக்கவில்லை. அடுத்ததாக புத்தர் ச்லைகளை தேட ஆரம்பித்தேன். மயிலை சீனி. வேங்கடசாமி பார்த்ததாகச் சொன்ன பத்து சிலைகளுடன் நான் பார்த்த ஐம்பதுக்கும் மேற்பட்ட சிலைகளைச் சேர்த்துக் கொண்டால் இதுவரை அறுபது சிலைகளுக்கும் மேல் கண்டறியப்பட்டிருக்கின்றன" என்றார். 

"ஆனால், அருங்காட்சியகங்களில் நிறைய இருக்கின்றனவே" என்று கேட்டேன்.
"நான் குறிப்பிடுவது களத்தில் கண்ட சிலைகளை. அருங்காட்சியகத்தில் நிறைய சிற்பங்கள் உண்டு. அவையெல்லாம் நாகப்பட்டினத்தில் சுதந்திரம் அடைவதற்கு முன்பு தோண்டியெடுக்கப்பட்ட வெண்கலச் சிற்பங்கள். முந்நூற்றுக்கும் மேற்பட்ட சிற்பங்களை அப்போது தோண்டியெடுத்தார்கள். அவற்றில் பெரும்பாலான சிற்பங்கள் கொல்கத்தாவில் உள்ள அருங்காட்சியகத்துக்கும், வெளிநாட்டிலுள்ள அருங்காட்சியகங்களுக்கும் கொண்டு செல்லப்பட்டன. சென்னை எழும்பூர் அருங்காட்சியகத்திலும் கணிசமான நாகப்பட்டினம் புத்தர் சிற்பங்கள் உண்டு."
  


"நாகப்பட்டினத்தில் விகாரைகள் இருந்ததால் அவ்வளவு சிலைகள் அங்கு கிடைத்தனவா?" என்று கேட்டேன். 
"ஆமாம்! ஆனால் அந்த விகாரைகள் நூறு ஆண்டுகளுக்கும் முன்பே இடிக்கப்பட்டுவிட்டன. தமிழகத்தில் விகாரைகள் என்றால் முதலில் பூம்புகாரையும் அடுத்ததாக நாகப்பட்டினத்தையும்தான் கூறவேண்டும். புத்தர் கோயில்களெல்லாம் பின்னால் வந்தவை. ஆங்காங்கே கிடக்கும் புத்தர் சிலைகளை வைத்துக் கட்டியவை. புத்தமங்கலம் என்ற ஊரில் புத்தர் சிலையை வைத்துக் கோயில் கட்டி வழிபடுகிறார்கள். கோயில் கட்ட தாய்லாந்துக்காரர்கள் பண உதவி செய்திருக்கிறார்கள். இதைப்போல் மாயவரத்துக்குப் பக்கத்திலுள்ள பெருஞ்சேரி என்ற ஊரில் புத்தர் கோயில் இருக்கிறது. ஐநூறு ஆண்டுகளுக்கு முன்பு கட்டப்பட்ட கோயில் என்று உறுதி செய்யும் நிலையில் எந்தக் கோயிலும் கிடையாது. சிலைகள் பழசு, கோயில்கள் புதுசு" என்றார்.

"என் அனுபவத்திலும் நான் முதல் களப்பணியில் பார்த்த சிலைகள் சிலவற்றை என் இரண்டாவது களப்பணியில் காணமுடியவில்லை. இதற்கு இரண்டு காரணங்கள். ஒன்று சமயக் காழ்ப்புணர்வு. இரண்டு, நமக்கு வரலாற்றின்மீதும் அக்கறையோ கலைகளைப் பாதுகாக்க வேண்டும் என்ற உணர்வோ கிடையாது என்பது. படிக்காதவர்கள், படித்தவர்கள் எல்லோரும் இந்த விஷயங்களில் தவறிழைத்து விடுகிறார்கள். அதே நேரத்தில் சில ஆச்சரியங்கள் நிகழ்ந்துள்ளன. முதன்முறை நான் பார்த்தபோது சீந்துவாரின்றி இருந்த  சில சிலைகள் அடுத்த முறை பார்க்கும்போது மக்களால் வழிபடப்படுவதைப் பார்த்திருக்கிறேன். அது எனக்கு ஒரு பெருமை. ஏனெனில் முதல் முறை நான் பார்க்கப்போனபோது என்னை நிறைய பேர் சந்தேகக் கண்ணுடன் பார்த்திருக்கிறார்கள். நான் திருடிக்கொண்டுபோக வந்திருக்கிறேன் என்று. அப்புறம் பலருக்கும் இந்த சிலைகள் புத்தர் சிலைகளா இல்லை சமண தீர்த்தங்கரர்களின் சிலைகளா என்றே தெரியாது. அப்படி, புத்தர் என்றால் தேவையில்லை என்று நினைத்த கூட்டத்தையும் காணமுடிந்தது. இந்தத் தரப்புகளுக்கிடையே ஆவணப்படுத்துவது மட்டும்தான் ஒரு ஆய்வாளரின் நிலைப்பாடு" என்று கூறினார். 

"இந்தத் தேடலில் நீங்கள் எதிர்கொண்ட சுவாரசியங்களைப் பற்றிக் கொஞ்சம் சொல்லுங்களேன்" என்று கேட்டேன்.
"திருச்சி மாவட்டத்தில் மங்கலம் என்னும் ஊரில் மீசையுடன் இருந்த புத்தர் சிலையை நான் பார்த்தேன். இதுபோன்ற ஒரு புத்தர் சிலையைத் தமிழகத்திலோ அநேகமாக இந்தியாவிலோ வேறு எங்கும் உங்களால் பார்க்கமுடியாது. புத்தர் சிலைகளுக்குரிய எல்லா அம்சங்களும் இதில் இருந்தன. கூடுதலாக மீசையும் இருந்தது. மன்னர் என்று குறிப்பதற்காகவோ, வீரத்தைக் குறிப்பதற்காகவோ, சிற்பி தனது ஆசைக்காகவோ இதனை வைத்திருக்கலாம். முதலில் பல அறிஞர்களும் ஆய்வாளர்களும் தனை நம்பவில்லை. நேரில் பார்த்த பின்னர்தான் ஏற்றுக் கொண்டார்கள். அப்புறம் துபாய் புத்தர். ஒகுளூர் எனும் ஊரில் இருக்கிறார். வெளிநாட்டுக்குப் போகிறவர்கள் யாருக்கும் தெரியாமல் காலையில் மாலை போட்டுவிட்டுப்போவார்கள். சிலை மேலே மாலை இருந்தது என்றால் நம் ஊர்க்காரர் யாரோ இன்று வெளிநாடு போயிருக்கார்கள் என்று அர்த்தம். அதிகம் பேர் துபாய் போனதால் துபாய் புத்தர் என்று பேராகிவிட்டது. அதேபோல, புதூர் புத்தருக்குக் கல்யாண ராசி! திருமணமாகாத பெண்கள் அவரைச் சுற்றிவந்தால் திருமணம் நடக்கும் என்று ஒரு நம்பிக்கை. இன்னொரு ஆச்சரியம் என்னவென்றால் அந்த ஊரில் உள்ள பல பெண்களும் திருமணத்துக்கு முள்ளாடி புத்தரோடு ஒரு புகைப்படம், திருமணத்துக்குப் பிறகு கணவரோடு சேர்ந்து புத்தரோடு ஒரு புகைப்படம் என்று எடுத்து வீட்டில் மாட்டி வைத்திருப்பார்கள். இந்த மாதிரி விஷயங்கள்தான் நம் ஆய்வை சுவாரசியப்படுத்துகின்றன" என்றார் ஜம்புலிங்கம். 

"அப்புறம் இன்னொரு விஷயம். என் ஆய்வைப் படித்துவிட்டு அய்யம்பேட்டை செல்வராஜ் என்ற வரலாற்று ஆர்வலர் என்னைத் தொடர்புகொண்டார். நான் குறிப்பிடுவது போன்ற நாகப்பட்டினம் புத்தர் சிலையொன்றை அய்யம்பேட்டையில் கண்டதாகக் கூறினார். அப்படிப் போய்ப் பார்க்கும்போது அய்யம்பேட்டையில் ஒரு வீட்டில் முனீஸ்வரன் என்று சொல்லி புத்தர் சிலையை வைத்து வழிபட்டுக் கொண்டிருந்தார்கள். அந்த வீட்டின் பெண்மணி நாகப்பட்டினத்தைச் சேர்ந்தவர். அவருடைய அப்பா, தாத்தா எல்லாம் வழிவழியாக வைத்து வழிபட்ட சிலை அது என்று கூறினார். பிறந்த வீட்டின் சீதனமாக அதை எடுத்துக்கொண்டு வந்திருக்கிறார். அந்தச் சிலையைத் தொடக்கூட எங்களை அவர் அனுமதிக்கவில்லை. ஆக, அருங்காட்சியகம் தவிர்த்து ஒரு நாகப்பட்டினம் சிலையை பார்த்தாகிவிட்டது. இப்படி, புத்தர் சிலைக்கு உள்ளூரில் மக்கள் பல பேர் வைத்து சிவனார், சாம்பான், புத்தர் என்றெல்லாம் பேர் வைத்துக் கும்பிடுகிறார்கள். இவர்களில் பெரும்பாலானோர் இந்துக்கள் என்பது இதில் குறிப்பிடத்தகுந்த விஷயம்" என்றார்.       


ஆச்சரியமூட்டும் மனிதர். ஆச்சரியமூட்டும் தேடல். தற்போது தலித்திய எழுச்சியின் காரணமாக பா.ஜம்புலிங்கத்தின் ஆய்வுகள் மேலும் முக்கியத்துவம் பெறுகின்றன. காவிரி கால் பட்ட இடமெல்லாம் பன்மைக் கலாச்சாரங்களையும் அரவணைத்து ஓடினாள் என்தை ஜம்புலிங்கத்தைப் போன்றவர்களின் ஆய்வுகள் நிரூபிக்கின்றன. தஞ்சைக்குக் காவிரியும் முக்கியம், அதன் பன்மைக் கலாச்சாரமும் முக்கியம் என்பதை மட்டும் நாம் மறந்துவிடக்கூடாது! 
(சுற்றுவோம்!) .
கட்டுரை வந்த இதழின் முகப்பட்டை
இதற்கு முந்தைய பேட்டிகள்

1)தினமணி 6.1.2008 :
2) Times of India, 29.10.2012 : 
3)ராணி, 3.5.2015 : 
4)தி நியூ இந்தியன் எக்ஸ்பிரஸ்,15.5.2015 :
Tracing footprints of Buddhism in Chola Country

5) City Express, The New Indian Express,13.11.2015 :
 Writer of 250 articles in Tamil  Wikipedia 

6) புதிய தலைமுறை ஆண்டு மலர் 2017 
தமிழகத்தில் புத்தர் இருக்கிறார் 

7 பிப்ரவரி 2019 அன்று மேம்படுத்தப்பட்டது.