Monday, 1 October 2018

In search of imprints of Buddhism : Peravurani Buddha

During the first week of September 2018, there were news reports about the finding of a Buddha sculpture in a temple tank at Peravurani in Thanjavur district of Tamil Nadu. The sculpture was in sitting dhyana posture.     

On iconographical aspects, the Peravurani Buddha differed from the Nagapattinam Buddha bronze found in the Chola country comprising of composite Thanjavur, composite Trichy and Pudukottai district. The age of the sculpture has to be ascertained. My comment on Peravurani Buddha appeared in the Times of India, 11th September 2018.  

For granite Buddhas, historian Mayilai Seeni Venkatasamy’s “Bouthamum Tamilum” (1940) was the primary source. In his work he cited about the prevalence of 10 granite Buddhas in the Chola country comprising composite Thanjavur, composite Trichy and Pudukottai district in his work.

For Nagapattinam Buddha bronze T.N.Ramachandran’s “The Nagapattinam and other Buddhist bronzes in the Madras Museum” (Director of Museums, Chennai, I Edn 1954, Rpt. 1992).  T.N.Ramachandran in the preface of his work says: “Nagapattinam Bronzes – Buddhist bronzes, though rare in South India, are occasionally found mostly in Tanjore district, dating from 11th to 15th century A.D. From Nagapattinam, since 1856, about 350 Buddhist bronzes of the Mahayana, some inscribed, were recovered from Vihara sites raised by the Sailendras of Sumatra in the time of the Chola Kings Rajaraja I and Rajendra Chola I. Some of these bronzes belong to early Chola (871-1070 A.D.) and a large number of the rest to the later Chola period (1070-1250 A.D.). They have been studied in detail in this bulletin”.

While carrying out “Chola Nattil Boutham” (Buddhism in the Chola country, in Tamil, Tamil University, Thanjavur, 1999, unpublished thesis) more than 60 granite Buddhas, have been found including 15 which were identified by me. I have  also collected photographs of the Nagapattinam Buddha bronzes exhibited in various museums in and outside India. In India they were exhibited in Indian Museum (Kolkata), Patna Museum (Patna), Central Museum (Nagpur), Chhatrapati Shivaji Maharaj Vastu Sangrahalaya (formerly Prince of Wales Museum of Western India in Mumbai), Government Art Museum (Thiruvananthapuram), Municipal Museum (Gwalior), State Museum (Lucknow), Government Central Museum (Jaipur), SPS Museum, (Srinagar), Museum & Picture Gallery (Vadorara), Watson Museum (Rajkot) and Art Gallery (Thanjavur)  All the Buddhas - granite and bronze - are either in standing and sitting dhyana posture.

In Tamil Nadu large collection of Nagapattinam Buddha bronzes are exhibited in Government Museum, Egmore, Chennai. A Nagapattinam Buddha bronze, in standing posture, is exhibited in Art Gallery, Thanjavur. During field study in 1999, one such Buddha, in sitting posture, in the style of Nagapattinam Buddha bronze, worshipped as Munisvaran was found in Ayyampet, Thanjavur district of Tamil Nadu, with the help of historian Mr Ayyampet Selvaraj. It resembled the Buddha exhibited in the Indian Museum

February 2004
45 Nagapattinam Buddha bronzes were found in Sellur in Kudavasal Taluk of Tiruvarur district of Tamil Nadu. (Dina Thanthi, 26 February 2004) Ranging from 7 cm to 52 cm they belonged to 11th to 13th centuries CE. During December 2011 they were exhibited in the Government Museum at Egmore. These 45 artefacts form an impressive addition to the Nagapattinam Collection of 350Buddha bronzes, which were discovered between 1856 and 1930s at Vellipalayam and Nanayakkara Street in Nagapattinam. (Stunning indicators of Nagapattinam Buddhist legacy, The Hindu, 25 December 2011)

December 2011
Two sculptures in standing posture were found in Thanjavur of which one resembled Nagapattinam Buddha bronze. It was reported that it was a Jain sculpture.    

September 2018
On iconographical aspects, the Peravurani Buddha differ from the Nagapattinam Buddha bronze found in the Chola country, but the impact of workmanship of Nagapattinam Buddha could be found in it. Among others, the shape of usnisha, the posture of the right hand, the style of dress over the chest of Peravurani Buddha differ from that of Nagapattinam Buddha bronzes. The Nagapattinam Buddha would have flame like usnisha, while the right hand would be in abaya posture and the dress would leave the right chest and arm bare. A detailed iconographic study by the subject experts would be of much helpful to find age of the sculpture.    


Saturday, 1 September 2018

In search of imprints of Buddhism : Rajendrapattinam, Tamil Nadu

13 May 2018
One of the readers of my blog 'Buddhism in Chola country' Mr Selvakumar of Sirkazhi, Tamil Nadu informed me that he came to know about the missing of the Buddha in Rajendrapattinam and requested me to send him the photograph of the statue. I informed him about the finding of the Buddha in 2007 during the field study carried out with Mr Ananthapuram Krishnamurthi and also told him that I would be sending the relevant newspaper.

14 May 2018
The next day, another reader of my blog Mr Arul Muthukumaran posted in the wall of FB about his visit to the place and having learnt about the missing of Buddha two years back and the discussion he had with Mr Tiruvalluvan. 

Since the beginning of my research, in 1993, I have seen many Buddha and Tirtankara statues in the Chola country comprising of composite Thanjavur, composite Trichy and Pudukottai districts of Tamil Nadu. Though not my area, due to the involvement of my friends and other scholars I could able to identify Buddha statues in Sundarapandianpattinam of Ramanathapuram district (2002) and Rajendrapattinam in Cuddalore district (2007).

April 2007
Alongwith Mr Ananthapuram Krishnmurthi and his team, during the field study in April 2007,  I saw the Buddha statue in Rajendrapattinam at Vridhachalam taluk of Cuddalore district in Tamil Nadu. The granite statue with a height of 98 cm and breadth of 56 cm was found in sitting dhyana posture, as the statues generally found in the Chola country. With 98 cm height and 56 cm breadth, the statue was in  sitting posture, as other Buddha statues in the Chola country comprising of composite Thanjavur, composite Trichy and Pudukottai district of Tamil Nadu. It had elongated earlobes. Dharmachakra was found in the hand. The eyes are extended and half closed as in dhyana. Ushnisha in the form of flames are found just above the curled hair. It has beautiful smiling lips and powerful and broad shoulders. The statue was found with lower garments. The Buddha was called 'Chettiar' by the local people. It might be interesting to note that in Tamil Nadu Buddha was called by many names such as Rishi, Chettiar, Nattukottai Chettiar, Sivanar, Samanar and Samban. 

The finding of Buddha and the information pertaining to the statue was widely published in newspapers. It was pity to note that the Buddha identified in 2007 was missing now. This proves the tendency of not protecting our cultural symbols. As these are the sources which help to study the prevalence of Buddhism and its history, awareness should be created among the public and steps should be taken to protect the remaining statues. 

Wednesday, 1 August 2018

தஞ்சையில் சமணம் : முனைவர் பா.ஜம்புலிங்கம், தில்லை கோவிந்தராஜன், மணி.மாறன்

தஞ்சையில் சமணம் நூலின் ஆசிரியர்களில் ஒருவராக அமைந்தமையைப் பெருமையாகக் கருதுகிறேன். சமணம் தொடங்கி, சமணர்களின் வரலாறு, பழக்க வழக்கங்கள், ஒருங்கிணைந்த தஞ்சை மாவட்டத்தில் சமணத்தின் தாக்கம், அண்மையில் கண்டுபிடிக்கப்பட்ட சமண தீர்த்தங்கரர் சிலைகள் என்ற கண்ணோட்டத்தில் அமைந்துள்ள இந்நூலை வாசிக்கவும், கருத்து கூறவும் அன்போடு அழைக்கிறேன்.

வெளியீட்டாளர் முகவுரையிலிருந்து : 
"..........இத்தகு சிறப்புமிக்க தீர்த்தங்கரர்களின் சிற்பங்கள் ஒருங்கிணைந்த தஞ்சாவூர் மாவட்டத்தில் பல சிற்றூர்களில் புதைந்தும், சிதைந்தும், காடுகளுக்கிடையில் கிடந்தவைகளையும் களப்பணியின் வாயிலாகக் கண்டறிந்து நாளிதழ்களில் அச்செய்திகள் வெளியாயின. இப்பணியில் முனைவர் பா.ஜம்புலிங்கம், கோ. தில்லை கோவிந்தராஜன், மணி. மாறன் ஆகியோர் சேர்ந்தும், தனியாகவும் ஈடுபட்டு சேகரித்த செய்திகளை "தஞ்சையில் சமணம்" என்னும் இந்நூலின் வழியே தமிழ்ச்சமூகத்திற்கு வழங்கியுள்ளனர்........." (ப.1)

மேல்சித்தாமூர் ஜினகாஞ்சி ஜைன மடத்தின் ஸ்வஸ்தி ஸ்ரீலட்சுமிசேன பட்டாரக பட்டாச்சார்யவர்ய சுவாமிகளின் ஆசியுரையிலிருந்து :
"..........பழைய ஒருங்கிணைந்த தஞ்சை மாவட்டப் பகுதியிலே இந்த நூலின் ஆசிரியர்கள் மேற்கொண்ட கள ஆய்வின்போது கண்டறிந்தவற்றை அவ்வப்போது நாளிதழ்களில் பதிவு செய்தவைகளைத் தொகுத்தும், சமண சமயத்தின் தொன்மை, தமிழகத்தின் சமணம், தஞ்சையில் சமணமென பல வரலாற்றுச் செய்திகளைப் பதிவிட்டும், இன்றும் இப்பகுதியில் வழிபாட்டிலுள்ள சமண ஆலயங்களைப் பற்றிய செய்திகளையும் தொகுத்து ஏடகம் மையத்தின் முதல் வெளியீடாக தஞ்சையில் சமணம் என்கின்ற நூலை காய்த்தல் உவத்தல் இன்றி நல்லறச் செல்வர்கள் திரு மணி. மாறன், முனைவர் பா.ஜம்புலிங்கம், திரு கோ. தில்லை கோவிந்தராஜன் ஆகிய அறிஞர்கள் வெளியிடுகிறார்கள் என்பதை அறிந்து நூலாசிரியர் அவர்களையும் அவர்களின் இச்சீரிய தொண்டினையும் பாராட்டுகிறோம்.தமிழகத்தில் பல்வேறு பகுதிகளில் சமணம் பற்றிய நூல்கள் வெளிவந்துள்ள நிலையில் முதன் முதலாகத் தஞ்சையில் சமணம் என்னும் நூலை வெளிக்கொணர முயன்ற அனைவரையும் பாராட்டுகிறோம். வாழ்த்துகிறோம்.........." (ப.4)

தஞ்சை ஜினாலய அறங்காவலர் ச.அப்பாண்டைராஜ் அவர்களின் ஆசியுரையிலிருந்து :

"..........தொண்டை நாட்டி சமணம், செஞ்சிப்பகுதியில் சமணம், நடுநாட்டில் சமணம், பாண்டிய நாட்டில் சமணம், மதுரையில் சமணம், கொங்கு நாட்டில் சமணம், குமரிப்பகுதியில் சமணம் என தமிழகத்தில் சமணம் தொடர்பான பல தயடங்களை பல்வேறு ஆராய்ச்சியாளர்கள் நூலாக வெளிக்கொண்டு வந்துள்ளதை அறிந்த எனக்கு தஞ்சைப் பணியில் சமணம் குறித்த நூல் வெளிக்கொணர வேண்டும் என்ற ஏக்கம் இருந்தது......நூலாசிரியர்கள் மூவரையும் மனமாற வாழ்த்துவதோடு அரியதோர் நூலை வெளிக்கொணர்ந்த மூவருக்கும் தமிழ்ச்சமணர்கள் நன்றிக்கடன்பட்டுள்ளார்கள் என்பதை அன்போடு தெரிவித்துக்கொள்கிறேன்..........." (ப.6)

முதுமுனைவர் குடவாயில் சுப்ரமணியன் அவர்களின் அணிந்துரையிலிருந்து :
"..........தமிழகத்தில் சமணம் பற்றிய ஆய்வில்  தோய்ந்து அரும் தகவல்களை நமக்குத் தந்தவர் அமர மயிலை சீனி.வேங்கடசாமி அவர்கள். அவர் வழிநின்று இம்மூவரும் படைத்த ஏடகத்தின் இவ்வெளியீடு அமண் சமய வரலாறு பேசும் தகைமை சான்ற நூல் என்பதில் எந்த ஐயமும் இல்லை............" (ப.8) 

இந்நூல் சமணம், தமிழகத்தில் சமணம், தஞ்சையில் சமணம், சமணச்சுவடிகள், தஞ்சையில் சமணர் சின்னங்கள், பள்ளிச்சந்தம், வழிபாட்டு முறைகள், விழாக்களும் சடங்குகளும், 24 தீர்த்தங்கரர்களின் விவரம், சமணர் யாத்த நூல்களுள் சில கல்வெட்டுகள் உள்ளிட்ட பல முதன்மைத்தலைப்புகளைக் கொண்டு அமைந்துள்ளது. களப்பணியில் சமண தீர்த்தங்கரர் சிலைகள் இருந்த இடங்களும், அவற்றின் வரலாற்றுத்தொடர்பும் பற்றி விவாதிக்கப்பட்டுள்ளது.

"தஞ்சையில் சமணம்" நூலின் வெளியீட்டு விழா 29 ஜுன் 2018 அன்று மாலை தஞ்சாவூர் பெசன்ட் அரங்கில் நிகழ்ச்சி நிரலில் கண்டவாறு சிறப்பாக நடைபெற்றது.

தினமணி 6 ஆகஸ்டு 2018, வரப்பெற்றோம் பகுதி
தினமணி 6 ஆகஸ்டு 2018, வரப்பெற்றோம் பகுதி

நூல் : தஞ்சையில் சமணம் 
ஆசிரியர்கள் : முனைவர் பா.ஜம்புலிங்கம், கோ.தில்லை கோவிந்தராஜன், 
மணி. மாறன்
வெளியிடுபவர் : நிறுவனர் & தலைவர், ஏடகம், 2481, ஜவுளி செட்டித்தெரு, தெற்கு வீதி, தஞ்சாவூர்,
விலை : ரூ.130

Sunday, 1 July 2018

கோயில் உலா : தஞ்சாவூர் மாவட்ட சமணக்கோயில்கள்

28 மே 2018 அன்று ஒருங்கிணைந்த தஞ்சாவூர் மாவட்டத்திலுள்ள சமணக் கோயில்களில் மூன்று கோயில்களுக்கு  திரு அப்பாண்டைராஜன், திரு மணி.மாறன், திரு தில்லைகோவிந்தராஜன் உடன் ஆகியோருடன் செல்லும் வாய்ப்பு கிடைத்தது. முன்னரே இக்கோயில்களுக்குச் சென்றிருந்தபோதிலும் சில மாற்றங்களை இக்கோயில்களில் காணமுடிந்தது. நாங்கள் எழுதி வெளிவருகின்ற தஞ்சையில் சமணம் நூலுக்காக செய்திகளைத் திரட்டும் வகையில் இவ்வுலா அமைந்தது.

கும்பகோணம் சந்ர ப்ரப பகவன் ஜினாலயம்
கும்பகோணத்தில்  சந்ரப்பிரப பகவான் சமணக்கோயில் உள்ளது. இக்கோயிலின் நுழைவாயில் கருங்கற்கலால் வடிக்கப்பட்டுள்ளது. தூண் அமைப்பும், நிலைக்கால் மேலுள்ள பகுதியும் சோழர் கட்டுமானப்பகுதியிலிருந்து எடுத்து வந்து அமைக்கப்பட்டுள்ளது. 

கோயில் நுழைவாயில், 2014

தற்போதைய களப்பணியில்
மணி.மாறன், தில்லை. கோந்தராஜன், அப்பாண்டைராஜன்

கருவறையில் மூலவர் சந்திரப்பிரபா திருமேனி வெள்ளைப் பளிங்குக்கல்லால் உள்ளது. மூலவர் கருவறை கட்டுமானம் தாராசுரம் சோழர் காலத்து கட்டுமானத்தை ஒத்துத் திகழ்கிறது. இக்கட்டுமானத்திற்கான கற்கள் அனைத்தும் இடிபாடுற்ற சோழர் காலக் கோயிலுள்ள கற்கள் என்றே அறியமுடிகிறது. திருச்சுற்று கருங்கல் கட்டமானப்பணியாக உள்ளது. திருச்சுற்றில் மகா சாஸ்தா சிற்பம் உள்ளது. தலையில் சீதள தீர்த்தங்கரர் சிற்பம் உள்ளது.

தீபங்குடி தீபயகஸ்வாமி ஜினாலயம்
தீபங்குடி தீபயகஸ்வாமி ஜினாலயத்தின் ராஜகோபுரம் மூன்று நிலைகளைக் கொண்டமைந்துள்ளது. செங்கல் கட்டுமானமாக உள்ள இவ்வாயிலின் நுழைவாயில் கருங்கல்லால் ஆனதாகும்.  வலது புறத்தில் ராஜகோபுரத்தின் முன்பாக, வாகனக்கொட்டகையாக முன்பு இருந்த அமைப்பு, 2004இல் சீர் செய்யப்பட்டு பக்தர்கள் தங்கும் அறைகளாக மாற்றப்பட்டுள்ளது. 

ஆதித்தர் சன்னதி, சேத்ரபாலர் சன்னதி, ஜ்வாலாமாலினி அம்மன் சன்னதிகள் உள்ளன.  உள்ளே செல்லும்போது கொடி மரம்,  நான்கு தூண்களுடன், முக மண்டபத்துடன் இணைந்தவாறு மேல் தளம் எண் கோண வடிவில் உள்ளது. எண் கோண வடிவக் கட்டுமானத்தில் 24 தீர்த்தங்கரர்களின் சுதையுருவச் சிற்பங்கள் காணப்படுகின்றன. அடுத்து பலிபீடம் உள்ளது.  பலிபீடத்தை அடுத்து குறுக்கு வாட்டத்தில் மராட்டியர் கால வடிவமைப்புடைய வவ்வால் நத்தி மண்டபம் உள்ளது. அதோடு அமைந்து அதே அமைப்பில் நீள வாக்கில் முக மண்டபம் உள்ளது. முக மண்டபத்தின் வலது புறத்தில் விரஷபஸ்வாமி சன்னதி உள்ளது. தர்மதேவி அம்மன் சிற்றாலயம் கருவறை மகா மண்டபத்துடன் உள்ளது. அடுத்து ஸ்ருதஸ்கந்தம் சிம்ம லாஞ்சனையுடன் உள்ளது.  முக மண்டபத்தின் மையப்பகுதியில் ரிஷபநாதர் சிற்பம் உள்ளது. விமானம் மூன்று தளங்களைக் கொண்டமைந்துள்ளது. 

வயலில் உள்ள அண்மைக்காலக்கோயில் 
புதுச்சேரி பிரெஞ்சு ஆய்வு நிறுவனம் வெளியிட்டுள்ள தீபங்குடி சமணக் கோயிலிருந்து 5 கிமீ தொலைவில் ஒரு சமணக்கோயில் இருப்பதாகக் குறிப்பிடப்பட்டிருந்தது. 24 தீர்த்தங்கரர்களில் ஒருவராக உள்ளவரை மூலவராகக் கொண்ட கோயிலாக இருக்கும் என்று எண்ணி அங்கு சென்றோம். அங்கு அண்மைக்காலத்தில் கட்டப்பட்ட ஒரு சிறிய கோயிலைக் காணமுடிந்தது.  வயலில் உள்ள அக்கோயிலின் மூலவரை தோட்டத்து பிரம்மதேவர் என்றழைக்கின்றனர். அமர்ந்த நிலையில் வலது கால்தொங்கவிடப்பட்ட நிலையிலும், இடது கால் மடித்து குத்துக்கால் வைத்து கையை தொங்கவிட்ட நிலையிலும் உள்ளார். வலது கையில் சென்டு உள்ளது. தலை விரிசடையாக உள்ளது. 

மன்னார்குடி மல்லிநாதஸ்வாமி ஜினாலயம்
மன்னார்குடி மல்லிநாதஸ்வாமி ஜினாலயத்தின் ராஜகோபுரம் மூன்று நிலைகளைக் கொண்டமைந்துள்ளது.கோயிலின் முன்பாக இடது புறத்தில் இடிபாடுற்ற நிலையில் மண்டபம் உள்ளது.

உள்ளே நுழைந்ததும் வலப்புறத்தில் ஜ்வாலாமாலினி சிற்றாலயம் உள்ளது. மண்டபம் வவ்வால் நத்தி மண்டப வடிவில் உள்ளது.   கருவறையில் அஷ்டபுஜதேவி உள்ளார். மூலவர் கருவறைக்கு வலத புறம் பூரண புஷ்கலையுடன் பிரம்மதேவரும், இடது புறம் சேத்திரபாலரும் உள்ளனர்.   கொடி மரம்,  பலி பீடம் ஆகியவை உள்ளன. பலி பீடம் கல்ஹாரமாக வேலைப்பாட்டுடன் எண்கோண வடிவில் உள்ளது. நான்கு அழகிய தூண்களைக் கொண்டமைந்துள்ளது. மகாமண்டபத்தில் தர்மதேவி, பத்மாவதி அம்மன், ஸ்ருகஸ்கந்தம் ஆகியவை உள்ளன. மண்டபத்தில் மல்லிநாதர் செப்புத்திருமேனியும் அட்ட மங்கலப் பொருள்களும் உள்ளன. அடுத்து உள்ள அர்த்த மண்டபத்தின் இடது புறத்தில் மூன்று தீர்த்தங்கரர் திருமேனிகள் உள்ளன. அர்த்தமண்டபத்தின் வலது புறத்திலும், இடது புறத்திலும்  தீர்த்தங்கரர்களின் செப்புத்திருமேனிகளும், யட்சன் மற்றும் யட்சினிகளின் செப்புத்திருமேனிகளும் காணப்படுகின்றன. தூண்கள் செங்கல் கட்டுமானமாக கல்ஹார அமைப்பில் உள்ளது. தீபங்குடியைப் போல சமணத் தத்துவத்தை உணர்த்துகின்ற ஏழு நிலைகளைக் கொண்ட இக்கோயில் அமைந்துள்ளது.வன்னி மரத்தடியில் முன்பு புத்தர் சிலை இருந்த இடத்தில் சிறிய பைரவர் சிற்பம் உள்ளது.

கரந்தட்டாங்குடி ஆதீஸ்வரர் ஆலயம்
இதற்கு முன்னர் தஞ்சாவூர் கரந்தட்டாங்குடியில் உள்ள சமணக்கோயிலுக்குச் சென்றேன்.  கருவறை, ராஜ கோபுரம், அர்த்தமண்டபம், முக மண்டபம், மகாமண்டபம் ஆகியவற்றைக் கொண்டுள்ள இக்கோயிலின் மூலவர் ஆதீஸ்வரர் ஆவார். இவர் முதலாம் தீர்த்தங்கரரான ரிஷபதேவர் ஆவார். 
இக்கோயிலில் ஜீனவாணி, சாசன தேவ தேவியர், பிரம்மதேவர், ஜ்வாலாமாலினி, தர்மதேவி, பத்மாவதி ஆகியோருக்கான சன்னதிகள் உள்ளனர், குந்தகுந்தாசாரியார் உள்ளார். நந்தவனமும் குளமும் கொண்டு இக்கோயில் அமைந்துள்ளது.

ஒருங்கிணைந்த தஞ்சாவூர் மாவட்டத்தில் அமைந்துள்ள இந்த நான்கு சமணக் கோயில்களில் கும்பகோணத்திலுள்ள கோயிலுக்குள் செல்லும்போது சோழர் கால சைவக் கோயிலுக்குள் செல்வதைப் போன்ற உணர்வினை அக்கட்டட அமைப்பு வெளிப்படுத்துகிறது. பிற மூன்று கோயில்களில் தீபங்குடி கோயில் பெரிய வளாகத்தைக் கொண்டு அமைந்துள்ளது. இந்த நான்கு ஊர்களிலும் இன்னும் சமணப்பெருமக்கள் குடும்பம் குடும்பமாக வாழ்ந்து வருவதையும், அவர்கள் பலவிதமான விழாக்களை நடத்துவதையும் காணமுடிந்தது.

தஞ்சையில் சமணம் நூல், ஏடகம் அமைப்பின் முதல் வெளியீடாக நேற்று (29 ஜுன் 2018) தஞ்சாவூரில் வெளியிடப்பட்டுள்ளது. நூல் வெளியீடு பற்றிய விவரங்களை தொடர்ந்து பிறிதொரு பதிவில் பார்ப்போம். 

நன்றி : திரு அப்பாண்டைராஜன், திரு தில்லை. கோவிந்தராஜன், திரு மணி.மாறன் 
10 ஆகஸ்டு 2018 அன்று மேம்படுத்தப்பட்டது

Friday, 1 June 2018

பௌத்த சுவட்டைத் தேடி : ராசேந்திரப்பட்டினம்

13 மே 2018
சோழ நாட்டில் பௌத்தம் வலைப்பூ வாசகரான சீர்காழியைச் சேர்ந்த திரு செல்வகுமார் ராசேந்திரப்பட்டின புத்தர் சிற்பம் காணாமல் போய்விட்டதாகக் கேள்விப்பட்டதாகவும், அதன் புகைப்படம் இருப்பின் அனுப்பிவைக்கும்படியும் கூறினார். 2007இல் திரு அனந்தபுரம் கிருட்டினமூர்த்தி அவர்களுடன் மேற்கொள்ளப்பட்ட களப்பணியின்போது காணப்பட்ட இந்த சிற்பத்தைப் பற்றி நாளிதழில் வந்த செய்தியை அனுப்பிவைப்பதாகக் கூறினேன்.

14 மே 2018
மறுநாள், வலைப்பூ வாசகரான திரு அருள்முத்துக்குமரன் முகநூலில் தன் பக்கத்தில் அந்த புத்தர் சிற்பத்தைப் பார்க்கச் சென்றதையும், அது இரண்டு ஆண்டுக்கு முன்பாக திருடப்பட்டுவிட்டதாக அறிந்ததையும் குறிப்பிட்டு, திரு திருவள்ளுவன் அவர்களைச் சந்தித்த அனுபவத்தையும் பகிர்ந்திருந்தார்.

 1993 முதல் மேற்கொள்ளப்பட்டு வந்த களப்பணியின்போது சோழ நாட்டில் பல புதிய புத்தர் மற்றும் சமண தீர்த்தங்கரர் சிற்பங்களைக் காணமுடிந்தது. தொடர்ந்து மேற்கொள்ளப்படுகின்ற களப்பணி, நண்பர்கள் மற்றும் அறிஞர்களின் ஆர்வம் காரணமாக அவர்களுடைய உதவியுடன் ஆய்வு எல்லைக்கு அப்பாலும் சில சிற்பங்களைக் காணமுடிந்தது. அவற்றுள் சுந்தரபாண்டியன்பட்டினம், இராமநாதபுரம் மாவட்டம் (2002), ராசேந்திரப்பட்டினம், கடலூர் மாவட்டம் (2007) ஆகிய இடங்களைச் சேர்ந்த புத்தர் சிற்பங்கள் குறிப்பிடத்தக்கவையாகும். அந்த சிற்பத்தை 2007இல் முதல் முதலாகக் கண்டோம்.   

ஏப்ரல் 2007
ஏப்ரல் 2007இல் வரலாற்றறிஞர் திரு அனந்தபுரம் கிருட்டினமூர்த்தி அவர்களுடன் மேற்கொண்ட களப்பணியின்போது கடலூர் மாவட்டத்தில் விருத்தாச்சலம் வட்டத்தில் உள்ள ராஜேந்திரப்பட்டினம் என்னுமிடத்தில் இந்த சிற்பத்தைக் காணும் வாய்ப்பு கிடைத்தது. 98 செமீ உயரமும், 56 செமீ அலகமும் கொண்ட அமர்ந்த நிலையிலான இந்த புத்தர் சிற்பம் சோழ நாட்டிலுள்ள புத்தர் சிற்பங்களைப் போலவே அமர்ந்த நிலையில் தியான கோலத்தில் இருந்தது.  தலையில் சுருள்முடி, அதற்கு மேல் தீச்சுடர், ஆழ்ந்த தியானத்தில் கண்கள், நீண்ட காதுகள், திரண்ட தோள்கள், பரந்த மார்பு, இடது பக்கம் தோள் பட்டையிலிருந்து தொங்கிய ஆடை ஆகியவற்றைக் கொண்டிருந்தது. இந்த புத்தரை மஞ்சள் விற்கும் செட்டியார் என்று கூறினர். கூடுதல் செய்திகளுடன் இச்சிற்பம் தொடர்பான செய்திகள் நாளிதழ்களில் வெளியாயின.

2007இல் காணப்பட்ட சிற்பம் தற்போது காணப்படவில்லையே என்பதை அறியும்போது வேதனையாக இருந்தது. சமயக்காழ்ப்புணர்வும், பண்பாட்டைப் பாதுகாக்கத் தவறும் நிலையுமே இதுபோன்ற நிகழ்வுகளுக்குக் காரணமாகின்றன. இவற்றைப் பாதுகாக்கவேண்டும் என்ற உணர்வு நம்மிடையே எழ வேண்டும். கலையையும், பண்பாட்டையும், சமயப் பெருமையினையும் வெளிப்படுத்துகின்ற இது போன்ற சான்றுகளே நம் வரலாற்றுக்குத் துணை புரிவன என்பதை மறந்துவிடலாகாது.  

30 ஆகஸ்டு 2018 அன்று மேம்படுத்தப்பட்டது.

உங்களுடன் பகிர்ந்துகொள்ள மற்றொரு செய்தி : 
மின்னம்பலம் தளத்தில் 22 ஏப்ரல் 2018இல் வெளியாகியுள்ள "சூடாமணி புத்த விகாரும் அம்பேத்கர் நாள் விழாவும்!"என்ற தன்னுடைய கட்டுரையில் திரு ஸ்டாலின் ராஜாங்கம் என் ஆய்வினை மேற்கோளாகக் காட்டியுள்ளார். "சோழ நாட்டின் பகுதிகளாக இருந்தவை எனக் கருதப்படும் இன்றைய தஞ்சை, நாகை, திருவாரூர், கடலூர் போன்ற மாவட்டங்களில் பெளத்தம் செழிப்புற்று இருந்திருக்கின்றன. அதன் தடங்களை வெளிப்படையாகவும் மறைமுகமாகவும் இன்றளவும் காணலாம். பெளத்தச் சிற்பங்கள், புத்தர் சிலைகளாகவும் சைவ, வைணவக் கோயில்களாகவும் அறியப்படுவனவற்றுள் பிற வடிவங்களாவும் கண்டறியப்பட்டுள்ளன. சோழ நாட்டில் பெளத்தம் என்னும் தலைப்பில் ஆய்வு மேற்கொண்டதோடு அறுபதுக்கும் மேற்பட்ட புத்தர் சிலைகளைக் கண்டறிந்த பா.ஜம்புலிங்கம் அவர்களின் ஆய்வை இவ்விடத்தில் கருத்தில்கொள்ள வேண்டும்........"

I learnt from FB postings that the Buddha, which we saw during the field study in Rajendrapattinam of Cuddalore district, is missing now. Though not my study area, I found some Buddha and Jain Tirtankaras like this. It is time that one should know the importance of the statues which are the symbols of our civilization and history. Awareness should be created to protect the statues.  

Tuesday, 1 May 2018

சமண சுவட்டைத் தேடி : அடஞ்சூர்

சுமார் 15 ஆண்டுகளுக்கு முன்னர் களப்பணியின்போது புத்தர் என்று கூறப்பட்ட சமணர் சிலையை அடஞ்சூரில் பார்த்தோம். அச்சிலையின் புகைப்படம் தமிழ்ப்பல்கலைக்கழகச் செய்தி மலரில் செய்தியாக வெளியானதும், அது ஒன்றே தற்போது சான்றாக இருப்பதும் மறக்க முடியாத அனுபவமாகும். 

28 மார்ச் 2003
தமிழ்ப்பல்கலைக்கழக முனைவர் பட்ட ஆய்வாளர் பூதலூரைச் சேர்ந்த திரு வீரமணி பூதலூர் பகுதியில் ஒரு புத்தர் சிலை இருப்பதாகக் கூறினார். ஆய்வின்போது பல நண்பர்களும், அறிஞர்களும், மாணவர்களும் இவ்வாறாக உதவி செய்து வந்துள்ளனர். அவ்வகையில் அவர் கூறிய புத்தர் சிலையைப் பார்க்கத் தயாரானேன்.

1 ஏப்ரல் 2003
மறுநாளே அச்சிலையைப் பார்க்கலாமென முடிவெடுத்தோம். அதன்படி அவருடன் அடஞ்சூர் சென்றேன். பூதலூர்-திருக்காட்டுப்பள்ளி சாலையில் பூதலூரிலிருந்து 5 கிமீ தொலைவில் சிவந்தி திடல் அருகே உள்ள அடஞ்சூர் உள்ளது. சிவந்தி திடல் அருகே 2 கிமீ தொலைவில் உள்ள காத்தவராயன் கோயில் எனப்படும் நல்லகூத்த அய்யனார் கோயிலில் அமர்ந்த நிலையிலான சிலையைக் காண்பித்தார். அருகில் உள்ளோர் அச்சிலையை புத்தர் என்றனர். ஆனார் அது சமண தீர்த்தங்கரரான மகாவீரரன்  சிற்பம் என்பதை அறிந்தோம். புத்தரைத் தேடிச் சென்று சமணரைப் பார்த்தது ஒரு மறக்க முடியாத அனுபவமாக அமைந்தது.

தமிழ்ப்பல்கலைக்கழகச் செய்தி மலர்
ஜுலை 2003
சிலையைச் சென்று பார்த்த அனுபவம் பற்றி நான் எழுதிய பதிவு தமிழ்ப்பல்கலைக்கழகச் செய்தி மலரில் வெளியானது. 

20 நவம்பர் 2011
திரு தில்லை கோவிந்தராஜன், திரு கருணாநிதி மற்றும் பேராசிரியர் லட்சுமணமூர்த்தியுடன் பூதலூர், திருவையாறு வட்டங்களில் களப்பணி மேற்கொண்டபோது அடஞ்சூர் சென்றோம்.  ஏப்ரல் 2003இல் திரு வீரமணி உதவியுடன் வந்து அச்சிற்பத்தைப் பார்த்தது எனக்கு நினைவிற்கு வந்தது. காத்தவராயன் கோயில் எனப்படும் நல்லகூத்த அய்யனார் கோயிலுக்குச் செல்வதற்காக விசாரித்துக் கொண்டே சென்றபோது அங்கிருந்த சிலர் வேறு ஒரு கோயிலை அடையாளம் காட்ட அங்கு சென்றுவிட்டோம். கோயிலை நெருங்க நெருங்க இருட்ட ஆரம்பித்துவிட்டது. நான் பார்த்த கோயில் அது இல்லை என உறுதியாகத் தெரிவதற்குள் அதிகம் இருட்டாகிவிட்டது. செல்வதும் கடினம், இனி சென்றால் சிற்பம் இருந்தாலும் தெளிவாகப் பார்க்கமுடியாது என்ற நிலையில் பேராசிரியர் லட்சுமணமூர்த்தி அவர்களிடம் அச்சிற்பம் மற்றும் கோயில் பற்றிய விவரங்களைக் கூறிவிட்டு, நாங்கள் மூவரும் தஞ்சாவூரை நோக்கித் திரும்பினோம். அப்போது அவர் தனக்குத் தெரிந்தவர்கள் அங்கிருக்கின்றார்களா என விசாரித்து எப்படியும் சிற்பம் பற்றியத் தகவலைத் தெரிவிப்பதாகக் கூறினார். நன்றிகூறிவிட்டு பயணத்தைத் தொடர்ந்தோம். வழியில் ஒரு விஷ்ணு சிற்பத்தைக் காண்பித்தார் உடன்வந்த திரு கருணாநிதி.(களப்பணி முடிந்து சில நாள்கள் கழித்து அச்சிற்பம் பற்றி பத்திரிக்கைச் செய்தி வெளியிட்டார்). ஒரே நாளில் பல சிற்பங்களைப் பார்த்த நிறைவுடன் தஞ்சாவூர் வந்து சேர்ந்தோம். நான் வீட்டில் நுழைந்தபோது, எப்போது வந்தாலும் உடன் பேசச்சொல்லி  பேராசிரியர் லட்சுமணமூர்த்தி தொலைபேசியில் கூறியதாக என் மனைவி கூறினார். அவரைத் தொடர்பு கொண்டேன். நாங்கள் திரும்பியபின் உடனே அவர் அந்த இருட்டிலும் நண்பர்கள் உதவியுடன் அக்கோயிலுக்குச் சென்றதாகவும், அச்சிற்பம் சில ஆண்டுகளுக்கு முன்பு திருட்டுப் போய்விட்டதாகவும் கூறினார். இச்செய்தியை திரு தில்லை கோவிந்தராஜன் அவர்களிடம் தெரிவித்தபோது, அதன் புகைப்படமாவது கிடைக்குமா என்றார். தமிழ்ப்பல்கலைக்கழகச் செய்தி மலரில் ஜுன் 2003இல் நான் எழுதிய கட்டுரையில் அப்புகைப்படம் உள்ளதைப்பற்றி கூறியபோது சமாதானமானார் அவர். 

2018இல் பாண்டிச்சேரி பிரெஞ்சு ஆய்வு நிறுவனம் வெளியிட்ட குறுந்தகடு
புத்தர் சிலையைப் பார்க்கச் சென்று சமண சிலையைப் பார்க்கும் வாய்ப்பு பல இடங்களில் கிடைத்தது. அவ்வாறான சிலைகளில் இச்சிலையும் ஒன்று.   கிட்டத்தட்ட 10 ஆண்டுகளுக்கு முன் பார்த்த சிலை மறைந்துவிட்டதை எண்ணியபோது வருத்தமாக இருந்தது. செய்தி மலரில் வெளிவந்த அந்த புகைப்படம் மட்டுமே அந்த சிலை இருந்ததற்கான சான்றாக அமைந்தது. அண்மையில் பாண்டிச்சேரி பிரெஞ்சு ஆய்வு நிறுவனம் வெளியிட்டுள்ள குறுந்தகட்டில் (நான் தந்த செய்தியின் அடிப்படையில்) இச் சிலையைப் பற்றிய செய்தி இடம் பெற்றுள்ளது.

24  மே 2018
திரு சி.வீரமணி அவர்கள் தமிழ்ப்பல்கலைக்கழக அகராதியியல் துறையில் இணைப்பேராசிரியராகப் பணியாற்றி வருகிறார். 15 வருடங்களுக்குப் பிறகு அவருடன் தொடர்புகொண்டு 2003இல் இந்த சிலையை பார்க்கச் சென்ற அனுபவத்தையும், இப்பதிவினைப் பற்றியும் பகிர்ந்தேன். மற்றொரு மறக்கமுடியா அனுபவம். (அப்போது அவர் தமிழ்ப்பல்கலைக்கழக இலக்கியத்துறையில் முனைவர் பட்ட ஆய்வினை மேற்கொண்டிருந்ததைத் தெரிவித்தார்)

களப்பணியில் உடன் வந்த நண்பர்கள்
பாண்டிச்சேரி பிரெஞ்சு ஆய்வு நிறுவனம்

துணை நின்றவை
பௌத்தம் களப்பணி, தொகுதி 5, பக்கம். 143
பௌத்தம் களப்பணி, தொகுதி 7, பக்கம். 231

Abstract of the article
During field study, in 2003, had the chance of seeing a Jain Tirtankara, which was called as Buddha, in Adanjur. The experience was shared in the Tamil University News Bulletin. During subsequent visit in 2011, came to know that it was lost. The photograph which was taken by me during that time is found, among others, in the DVD ROM entitled Jain sites of Tamil Nadu published by French Institute of Pondicherry.   

பகிர்ந்துகொள்ள மற்றொரு செய்தி
திரு செந்தில்குமார் அவர்களுடன், 14 மே 2018
தமிழை நேசிக்கும் இதயத்துடன் (தஞ்சாவூர் காவல்துறை கண்காணிப்பாளர் முனைவர் த.செந்தில் குமார் அவர்களுடன்) இனிய மாலைப்பொழுது. பரந்துபட்ட அவருடைய வாசிப்பும், பேச்சும் வியக்க வைத்தன. வாழ்வியல் களஞ்சியம், அறிவியல் களஞ்சியம் உள்ளிட்ட தமிழ்ப்பல்கலைக்கழகப் பல்கலைக்கழக வெளியீடுகளின் முக்கியத்துவம், தமிழ் இலக்கியங்களை தமிழார்வத்தை இளைய தலைமுறையிடம் எடுத்துச் செல்லும் பரந்துபட்ட எண்ணம், மாணவர்களை ஊக்குவிக்கின்ற பேச்சு ஆகியவற்றில் தொடங்கி விக்கிபீடியா தொடர்பான என் பதிவுகள், பௌத்தக் களப்பணி மற்றும் ஆய்வு தொடர்பாக நல்லதொரு விவாதம். (நன்றி: திரு கரந்தை ஜெயக்குமார்)

14 மே 2018இல் மேம்படுத்தப்பட்டது

Sunday, 1 April 2018

ஏடகம் ஞாயிறு முற்றம் : 11 மார்ச் 2018 : சோழ நாட்டில் பௌத்தம்

ஏடகம் அமைப்பு மாதந்தோறும் நடத்துகின்ற ஞாயிறு முற்றத்தின் மார்ச் மாதச் சொற்பொழிவு 11 மார்ச் 2018 ஞாயிறு மாலை நடைபெற்றது. வழக்கம்போல ஒவ்வொரு மாதமும் முதல் நாள் சோழ நாட்டில் பௌத்தம் வலைப்பூவில் எழுதிவரும் நிலையில் இம்மாதப் பதிவாக, என்னுடைய உரையினைப் பகிர்வதில் மகிழ்கிறேன். 

8 அக்டோபர் 2017இல் தொடங்கப்பட்ட ஏடகம், ஞாயிறு முற்றம் சார்பாக ஒவ்வொரு சனிக்கிழமையும் சிறப்பான சொற்பொழிவுகளை நடத்திவருகிறது. அவ்வகையில் என் களப்பணி தொடர்பாக உரையாடும் வாய்ப்பினைப் பெற்றேன். இவ்விழாவில் தலைமையுரையாற்றிய அறந்தாங்கி நகராட்சி ஆணையர் பே.வே.நவேந்திரன், தமிழகத்தில் பௌத்தம் தொடர்பான இலக்கியச் சான்றுகளையும், பூம்புகார் மற்றும் நாகப்பட்டின புத்த விகாரைகளைப் பற்றியும்  எடுத்துரைத்தார்.
வரவேற்புரை : ஆதிபராசத்தி தணிக்கைக்குழு உறுப்பினர் திரு கு.சிவராஜா
தலைமையுரை : அறந்தாங்கி நகராட்சி ஆணையர் திரு பே.வே.நவேந்திரன்

நன்றியுரை : முனைவர் பட்ட ஆய்வாளர் திருமதி டி. பவானி

நிகழ்ச்சித்தொகுப்பு : செல்வி இராச.பாரதிநிலா
அடுத்து சோழ நாட்டில் பௌத்தம் என்ற தலைப்பில் ஒருங்கிணைந்த தஞ்சாவூர், ஒருங்கிணைந்த திருச்சி, புதுக்கோட்டை மாவட்டங்களை உள்ளடக்கிய சோழ நாட்டில் கடந்த 25 ஆண்டுகளாக மேற்கொள்ளப்பட்டுவருகின்ற கள ஆய்வின் அனுபவங்களைப் பகிர்ந்துகொண்டேன்.

"வரலாற்றறிஞர் மயிலை சீனி.வேங்கடசாமி, பௌத்தமும் தமிழும் (1940) என்ற நூலில் சோழ நாட்டில் 10 இடங்களில் புத்தர் சிலைகள் உள்ளதாகக் குறிப்பிட்டுள்ளார். 1993 முதல் மேற்கொண்டு வருகின்ற தொடர்ந்த களப்பணியின்போது அந்த 10 சிலைகள் உள்ளிட்ட சுமார் 70 புத்தர் சிலைகளைக் கண்டறியமுடிந்தது. பல்வேறு காலகட்டங்களில் தழைத்திருந்த பௌத்த சமயத்திற்கு பக்தி இயக்கக் காலத்தில் பின்னடைவு ஏற்பட்டபோதிலும் சோழர் காலத்தில் நல்ல நிலையில் பரவியிருந்ததை இங்கு காணப்படுகின்ற அக்காலத்தைச் சேர்ந்த புத்தர் சிலைகள் தெளிவுபடுத்துகின்றன. கும்பகோணம் கும்பேஸ்வரர் கோயிலில் காணப்படுகின்ற கி.பி.1580ஆம் ஆண்டைச் சேர்ந்த செவ்வப்ப நாயக்கர் காலத்துக் கல்வெட்டின் மூலமாக கும்பகோணம் அருகே திருவிளந்துறை என்னுமிடத்தில் புத்தர் கோயில் இருந்ததற்கான சான்றாக உள்ளது."
“களப்பணியின்போது ஒரு பொருண்மையில் ஆழ்ந்து நோக்குதல், ஒரே இடத்திற்குப் பல முறை செல்லல், வரலாற்றறிஞர்களின் கருத்துகளைக் கேட்டல், வரலாற்று நூல்களிலிருந்து சான்றுகளைத் திரட்டுதல், நாளிதழ் செய்திகளை தொடர்ந்து வாசித்தல், மாற்றுக்கருத்துகளை ஆராய்தல், பெறப்படும் சிறிய தகவலாயினும் அதனை உரிய நாளிட்டு குறித்துக்கொள்ளுதல், களப்பணியில் உதவியர்களுக்கு அஞ்சலட்டை மூலம் நன்றி தெரிவித்தல் போன்ற உத்திகள் அதிகமாக உதவின. புத்தர், சமண தீர்த்தங்கரர் சிலை வேறுபாட்டினையும், புத்தர் சிலைகள் இடம் பெயர்ந்ததையும், பாதுகாப்பாக அருங்காட்சியகங்களுக்குக் கொண்டுவரப்பட்டதையும், வழிபாட்டில் உள்ளதையும் காணமுடிந்தது.  இந்த 25 ஆண்டுகளில் மேற்கொள்ளப்பட்ட களப்பணியின்போது தனியாகவும், ஆய்வாளர்கள் மற்றும் அறிஞர்கள் துணையுடனும்,  15 புத்தர் சிலைகளையும், 13 சமண தீர்த்தங்கரர் சிலைகளையும், ஒரு நாகப்பட்டின புத்தர் செப்புத்திருமேனியையும் புதிதாகக் கண்டுபிடிக்க முடிந்தது“.

“சோழ நாட்டில் பரவலாகக் காணக்கிடைக்கின்ற புத்தர் சிலைகள் பௌத்த சமயம் இப்பகுதியில் தழைத்திருந்த நிலையை எடுத்துரைக்கின்ற சான்றுகளாக உள்ளன. புத்தரை ரிஷி, செட்டியார், சமணர், அமணர், சிவனார், சாம்பான், பழுப்பர், நாட்டுக்கொட்டை செட்டியார் என்று பல இடங்களில் அழைக்கின்றார்கள்.  மங்கலம், ஒகுளூர், பட்டீஸ்வரம், புஷ்பவனம், புதூர், புத்தமங்கலம், விக்ரமம், விக்ரமங்கலம், கிள்ளியூர் உள்ளிட்ட பல இடங்களில் வழிபாடுகள் நடத்தப்படுகின்றன. சில இடங்களில் நேர்த்திக்கடனாக முடியெடுத்தல், தீபாவளி, பொங்கல், வருடப்பிறப்பு போன்ற நாள்களில் சிறப்பு பூசைகள் செய்கின்றனர்.  சில இடங்களில் புத்த பூர்ணிமாவின்போது சிறப்பு நிகழ்ச்சிகளை நடத்தி பூஜைகள் நடத்துகின்றனர்.  சோழ நாட்டில் பௌத்த சமயத்தின் போற்றப்படுவதை இதன்மூலம் உணரமுடிகிறது“.

புதுச்சேரியில் உள்ள பிரெஞ்சு ஆய்வு நிறுவனம் பிப்ரவரி 2018இல் வெளியிட்டுள்ள, தமிழகத்தில் உள்ள 82 சமணர் துணைத் தளங்கள் உள்பட 464 சமணர் தளங்களை ஆவணப்படுத்தியுள்ள, தமிழகச் சமணத் தளங்கள் என்ற குறுந்தகட்டில் ஆய்வுக்காலத்தில் கண்டுபிடித்த 10க்கும் மேற்பட்ட சமண தீர்த்தங்கரர்களுடைய சிலைகளின் புகைப்படங்கள் உரிய குறிப்புடனும் ஒப்புகையுடனும் இடம்பெற்றுள்ளன. 

முன்னதாக ஆதிபராசக்தி தணிக்கைக்குழு உறுப்பினர் கு.சிவராஜா வரவேற்றார். டி.பவானி நன்றியுரையாற்றினார். இராச.பாரதிநிலா நிகழ்ச்சியினைத் தொகுத்து வழங்கினார்.  

ஆய்வு தொடர்பான கருத்துகளைப் பகிர்ந்துகொள்ள வாய்ப்பினை அளித்த ஏடகத்திற்கும், பொறுப்பாளர்களுக்கும் என் மனமார்ந்த நன்றியைத் தெரிவித்துக் கொள்கிறேன். இலக்கியம், வரலாறு, சுவடியியல் போன்ற துறைகளில் சிறப்பான பங்களிப்பினை ஆற்றிவருகின்ற ஏடகத்தின் பணி சிறக்க மனமார்ந்த வாழ்த்துகளைத் தெரிவித்துக்கொள்கிறேன்.

நன்றி : தி இந்து, 15 மார்ச் 2018

அந்தப் பொழிவின்போது நான் பேசியதை திரு கரந்தை ஜெயக்குமார் தன்னுடைய வலைப்பூவில் மீசை வைத்த புத்தர் என்ற தலைப்பில் 17 மார்ச் 2018இல் பகிர்ந்துள்ளார். அப்பதிவிற்கு நண்பர்களும், அறிஞர்களும் சிறப்பாகப் பின்னூட்டம் அளித்திருந்தனர். அனைவருக்கும் நன்றிகூறுகிறேன்.

மீசை வைத்த புத்தர், 17 மார்ச் 2018
10 ஆகஸ்டு 2018 அன்று மேம்படுத்தப்பட்டது.