பௌத்த சுவட்டைத் தேடி : வயலக்காவூர், காஞ்சீபுரம் மாவட்டம்

இளம்போதி என்னும் வலைப்பூவில் எழுதி வரும் திரு ஏழு. கலைக்கோவன், ஒரு புகைப்படத்தை அனுப்பி அது புத்தரா, சமண தீர்த்தங்கரரா என்று கேட்டுள்ளார். புத்தர் சிலைகளின் அமைப்பைப் பற்றியும், காஞ்சீபுரம் பகுதியில் காணப்படும் புத்தர் சிலைகளைப் பற்றியும் அவர் எழுதி வருகிறார். அச்சிலையைப் பார்க்க சோழ நாட்டிலிருந்து காஞ்சீபுரம் மாவட்டத்திற்குப் போவோம் வாருங்கள். 

காஞ்சீபுரம் வட்டம் வாலாஜாபாத் வட்டம், நெய்க்காடுபாக்கம் வயலக்காவூர் என்னுமிடத்தில் உள்ள அச்சிலை புத்தரா தீர்த்தங்கரரா என்ற ஐயத்தை பின்வரும் அடையாளங்கள் உண்டாக்குகின்றன என்று அவர் கூறியுள்ளார்.

1) தோள் பட்டைக்கு மேல் உள்ள உருவம்

2) சீவர ஆடை

3) கையில் பூ போன்று உள்ளது. ஆனால் தாமரையா என்று சொல்ல முடியவில்லை. தெளிவாக இல்லை.

தமிழகத்தில் சோழ நாட்டை (ஒருங்கிணைந்த தஞ்சாவூர், ஒருங்கிணைந்த திருச்சி, புதுக்கோட்டை) எனது களமாகக் கொண்டு புத்தர் சிலைகளையும், சமண தீர்த்தங்கரர் சிலைகளையும் பார்த்த நிலையில் ஓரிரு சிலைகளை மட்டுமே பிற பகுதிகளில் பார்த்துள்ளேன். பல இடங்களில் இருந்தும் இதுபோன்ற கடிதங்கள் வரும் நிலையில் அதிகமான பணியின் காரணமாக அவற்றை ஆழ்ந்து பார்த்து மறுமொழி கூறுவது என்பது சற்றே சிரமமாக இருக்கின்றது. பொதுவாக சோழ நாட்டில் இவ்வாறாக சிலைகளைப் பற்றிய விவரம் தெரியவரும்போதோ, புகைப்படம் கிடைக்கும்போதோ நேரில் சென்று பார்த்துவிட்டு எழுதுவதையே வழக்கமாகக் கொண்டுள்ளேன். இருந்தாலும் திரு கலைக்கோவனின் ஆர்வம் காரணமாக இச்சிலையைப் பற்றிய எனது புரிதலை அவர் அனுப்பியுள்ள புகைப்படங்களின் அடிப்படையில் பகிர விரும்புகிறேன்.

அதிகமான பணியின் காரணமாக அவற்றை ஆழ்ந்து பார்த்து மறுமொழி கூறுவது என்பது சற்றே சிரமமாக இருக்கின்றது. பொதுவாக சோழ நாட்டில் இவ்வாறாக சிலைகளைப் பற்றிய விவரம் தெரியவரும்போதோ, புகைப்படம் கிடைக்கும்போதோ நேரில் சென்று பார்த்துவிட்டு எழுதுவதையே வழக்கமாகக் கொண்டுள்ளேன். இருந்தாலும் திரு கலைக்கோவனின் ஆர்வம் காரணமாக இச்சிலையைப் பற்றிய எனது புரிதலை அவர் அனுப்பியுள்ள புகைப்படங்களின் அடிப்படையில் பகிர விரும்புகிறேன்.

இச்சிலை புத்தர் சிலை இல்லை

1) இச்சிலையின் தலையில் தீச்சுடர் காணப்படவில்லை.

2) இடுப்பில் மேலாடை இல்லை.

3) மார்பின் குறுக்கே மேலாடை இல்லை.

4) உதட்டில் புன்னகை காணப்படவில்லை.

5) மேலே வலது புறத்தில் காணப்படும் உருவம் சாமரம் வீசுபவராக இருக்கலாம். இது பெரும்பாலும் சமண தீர்த்தங்கரர் சிலைகளில் உள்ளது. பொதுவாக இரு புறமும் இவ்வாறான உருவம் காணப்படும். (ஓரிரு புத்தர் சிலைகளில் மட்டும் இதுபோன்ற சாமரம் வீசுபவர் உருவத்தைப் பார்த்துள்ளேன்)

6) கையில் உள்ளது தெளிவாகத் தெரியவில்லை. இருந்தாலும் புத்தர் சிலையில் இதுபோன்ற அமைப்பில் கையில் எதுவும் வைத்திருக்க வாய்ப்பில்லை. 

சமண தீர்த்தங்கரர் சிலையின் சில கூறுகள்

சோழ நாட்டில் களப்பகுதியில் காணப்படும் சமண தீர்த்தங்கரர் சிலைகளைப் போல இது காணப்படவில்லை. அச்சிலைகளில் காணப்படும் சில கூறுகளை மட்டுமே காணமுடிகிறது. மேலும் கழுத்திலும், கைகளிலும், இடுப்பிலும் போடப்பட்ட கோடு, மார்பில் கூர்மையாக செதுக்கப்பட்ட கோடுகளை வைத்துக்கொண்டு முடிவு செய்வது என்பது சற்றே சிரமமாக உள்ளது. இச்சிலை அண்மைக்காலத்தில் செதுக்கப்பட்டிருக்க இருக்க வாய்ப்புண்டு. 

நேரடியாக களப்பணி செல்லாமல் புகைப்படத்தை வைத்து நோக்கும்போது இச்சிலை புத்தர் சிலை இல்லை என்று உறுதியாகக் கூறலாம்.